MAZMUR 93 - KITTA KAREBA MADECENG

Puwangnge , Arung iya mannennungengngé

¹ Puwangnge iyanaritu Arung; mappaké arajangngi sibawa awatangeng. Tettong masse'i linoé dé' naulléi kédo.

² Ri pammulanna mupa namasse kadéra akkarungem-Mu, engka-Ko polé ri mannennung.

³ Napakatanréi saddanna bori tasi'é, oh Puwang, napakatanréi memmu'na bombang dolangengngé.

⁴ Iyakiya Puwang iya makuwasaé ri surugaé, lebbi maseroi naiya bombanna dolangengngé, lebbi mawatangngi naiya ajjallo'na bombangngé.

⁵ Puwang, mannennungengngi hukkum-Mu, mapaccingngi Bola-Mu sillampé wettué.