MAZMUR 82 - KITTA KAREBA MADECENG

Allataala, Arung Maraja

¹ Mazmurna Asaf. Allataala pimpingngi pengadilang ilahié ri surugaé, nainappa nabbéréyang apettun-Na:

² “Aja'na tamangadélé sibawa macéko-céko, sibawa aja' muwaccowé lao ri tau majaé.

³ Ewaiwi ana' béué sibawa tau malemmaé, wéréngngi adélékeng tau kasiyasié sibawa manrasa-rasaé.

⁴ Paleppe'i tau iya malemmaé sibawa dé'é pakkullénna, paleppe'i mennang polé ri limanna tau majaé.

⁵ Dé' aga-aga muwisseng, madonggo sibawa pusa, nasaba iko, natassiya-siya atorenna masaraka'é.

⁶ Upowadai makkedaé ilahiko iko maneng ana'-ana'na Allataala Iya Pommatanré.

⁷ Iyakiya matéko matu pada-pada tolinoé, pada-pada tungke tomarajaé, maté tokko matu.”

⁸ Poléni oh Allataala, adélékini linoé, saba' sininna bangsaé iyanaritu appunnangem-Mu.