MAZMUR 76 - KITTA KAREBA MADECENG

Allataala pacau

¹ Untu' pamimping kor. Nasibawang kacapi. Mazmurna Asaf. Elong.

² Tarompoi Allataala ri Yéhuda; kalabbai asen-Na ri Israél.

³ Yérusalém iyanaritu onrong Naonroiyé; Bulu Sion onrong Naonroiyé.

⁴ Kuwaro Naancuru'i sininna paréwa musué, sininna pana lala'-lala'é, kaliyawoé sibawa peddangngé.

⁵ Maraja tongek-Ko, sibawa mattappa, napakacauri sining bulué riyolo.

⁶ Sining tau baranié purani narampasa; matinroi mennang sibawa dé'na matu naoto'na. Prajuri-prajuri iya poré teddénni awatangenna.

⁷ Sininna anyaranna sibawa tonangiyéngngi sempé'ni maté nasaba paggera'-Mu, oh Allataalana Yakub!

⁸ Masero tongek-Ko! Rékko macai-Ko, niga mulléi mattahang?

⁹ Polé ri langié Mupannessai apettum-Mu; métau linoé sibawa mammek-Ko.

¹⁰ Wettum-Mu tokkong maélo mangadéléki untu' passalama'i tau ritenre'é ri linoé.

¹¹ Muwi sining tau kaminang masekkangngé poji tok-Ko, sibawa iya macaié mupa pakéi kaing karung tanrang mabbarata.

¹² Rupaiwi jancimmu lao ri Puwang Allataalamu. Sitinajai sininna bangsa iya monroé macawé tiwii pakkasuwiyang untu' Allataala iya naétauriyé.

¹³ Napoloi sumange'na sining panguwasaé; métaui arung-ngarungngé lao ri Aléna.