MAZMUR 53 - KITTA KAREBA MADECENG

Jana tolinoé

¹ Untu' pamimping kor. Situru lagunna: Mahalat. Elong pappagguruwanna Daud.

² Makkedai tau madongo'é ri laleng ati, “Dé' gaga Allataala.” Pangkaukenna mennang maja sibawa marota; dé' gaga pogau'i makessingngé.

³ Polé ri surugaé naitai Puwangnge rupatauwé, untu' sappai tau mapanré iya sompaéngngi Aléna.

⁴ Iyakiya sininna tauwé lao salani sibawa maja ampé dé'gaga muwi séddi tau pogau'i makessingngé.

⁵ Adanna Puwangnge, “Dé'ga namainge sining tau majaéro? Tuwoi mennang sibawa rampasa'i umma'-Ku, sibawa dé' naengka nassempajang lao ri Iyya.”

⁶ Métau senna'i matu tau majaé, padahal dé'gaga papéttauri, saba' Allataala patassiyai buku-bukunna tau iya keppungngékko; risampéyanni mennang ri Allataala, namucaui matu mennang.

⁷ Polé ri Bulu-bulu Sion tennapodo poléi asalamakengngé untu' Israélié. Namariyo-riyo matu wija-wijanna Yakub rékko napalisui Puwangnge keadaanna umma'-Na.