MAZMUR 137 - KITTA KAREBA MADECENG

Mpatinna ri wirinna salo-salo Babél

¹ Ri wirinna salo-salo Babél tudakki sibawa teri rékko riyéngngerangngi Sion.

² Ri pop-pong gandarusaé ri wanuwaéro rigattungngi kacapitta.

³ Sining tau iya tawangngékki suroki makkélong untu' mennang. Sining tau iya tenre'ékki suroki puwélongngi élok-kélong marennué, “Elongekki élok-kélong polé ri Sion!”

⁴ Weddigga ri wanuwa laingngé makkélokki untu' Puwangnge?

⁵ Leppessakka dé' naweddinna makkélong rékko uwallupaiko, Yérusalém!

⁶ Leppessakka dé' naweddinna makkélong rékko uwallupaiko sibawa dé' upancajiko upojiyé!

⁷ Oh Puwang, éngngerangngi pangkaukenna tau Edongngé wettunna riyancuru Yérusalém. Makkedai mennang, “Ruttungngi, ruttungngi lettu ri pallangga-pallanggana!”

⁸ Eh Babél, ripaccappuko matu! Masennangngi tau iya wale'ékko ja iya mupogau'é lao ri idi.

⁹ Masennangngi tau iya malaéngngi ana'-ana'lolomu nanaggeppuwangngi ri bulu-bulu batué!