MAZMUR 127 - KITTA KAREBA MADECENG

Pojiwi akessingenna Allataala

¹ Elonna Salomo. Rékko tenniya Puwangnge patettongngi bolaé, siya-siyai majjama sining tukanna. Rékko tenniya Puwangnge linrungiki, siya-siyai sining pengawal-é jaga.

² Paracuma bawang marejjing majjama sappa dallé, maélé moto sibawa matinro malalempenni; saba' napassadiyai Puwangnge untu' mennang iya Namaséiyé, wettunna mennang matinro.

³ Ana'-ana'é iyanaritu pabbéréna Allataala, sitongenna, pabbéréi mennang ritu.

⁴ Ana'-ana' worowané iya rilolongengngé ri wettu malolo padai ana' pana ri limanna pabbaranié.

⁵ Masennangngi tau iya mappunnaiyé pappassadiyaang pana-pana iya makkuwaéro! Dé' matu naricau, wettunna moloi bali ri pengadilangngé.