MAZMUR 122 - KITTA KAREBA MADECENG

Pappojiyang untu' Yérusalém

¹ Elong ziyarana Daud. Marennuka wettunna makkeda tauwé lao ri iyya, “Laono mai talao ri Bolana Puwangnge!”

² Lettu'ni makkekkuwangngé ri gerbanna kota Yérusalém.

³ Yérusalém iya ripatettongngé selaku kota tassusung mareppi sibawa magello.

⁴ Kuwaniyé lao sining suku bangsaé, suku-suku bangsa napilé Puwangnge, untu' sukkuru lao ri Aléna situru sibawa paréntana.

⁵ Kuwaniyé lao sining arung wijanna Daud madélékiwi ra'ya'na.

⁶ Assempajanno untu' asaléwangenna Yérusalém: “Tennapodo sininna tau iya pojiyékko saléwangengngi.

⁷ Tennapodo engka adaméngeng ri daéramu, sibawa atennangeng ri laleng sining béntémmu.”

⁸ Nasaba sellao sibawa sahaba'ku makkedaka, “Tennapodo saléwangekko!”

⁹ Nasaba Bolana Puwangnge, Allataalata, massempajakka kuwammengngi mumasennang.