MAZMUR 110 - KITTA KAREBA MADECENG

Puwangnge sibawa arung napilé-Na

¹ Mazmurna Daud. Makkedai Puwangnge lao ri puwakku, “Tudanno ri seddé atauk-Ku, narapi sining balimmu Upatunrukekko.”

² Polé ri Sion nalowangiwi matu Puwangnge akkarungemmu; akuwasaini sining balimmu!

³ Ri esso apolémmu sibawa akuwasang, ri bulu-bulu iya mapaccingngé, mallurui ra'ya'mu sibawa cenning ati. Pada-pada cinoddoé ri éléé, sining kalloloé poléi ri iko.

⁴ Purai majjanci Puwangnge sibawa tanro, dé' nagettengngi matu paimeng, “Iko ritu imang untu' mannennungeng, pada-pada Malkisédék.”

⁵ Engkai Puwangnge ri seddé ataummu, rékko macayii, Nacaui sining arungngé.

⁶ Nahukkungngi matu bangsa-bangsaé, angkanna tassiya-siya sining ujué. Napaccappui matu sining panguwasaé ri sininna linoé.

⁷ Ménungngi matu arungngé polé ri saloé ri wiring lalengngé, puranana ricau, pacaui matu.