AYUB 25 - KITTA KAREBA MADECENG

Bildad

^1-2 Namappébali Bildad, “Iyaro Allataala makuwasa senna'i; sininna tauwé harusu'i métau ri yolo-Na; Aléna ritu mappiyara adaméngengngé ri laleng akkarungen-Na ri surugaé.

³ Weddigga ribilang malaéka iya tumaningiyéngngi? Engkaga onrong iya dé'é natappai tajan-Na?

⁴ Makkulléga mapaccing tolinoé ri yolona Allataala? Makkulléga mapaccing ri pakkitan-Na?

⁵ Untu' Allataala, mala muwi kétengngé dé'to namacakka, sibawa wéttowingngé naangga'i massalawu.

⁶ Apalagi tolinoé, latié, béré-béré! Ri matanna Allataala, dé' tongeng angke'na.”