2 यूहन्ना 1 - डोगरी नवां नियमबजुर्गें त्रफुं चुनें दे लोकें गी नमश्कार 1 ए चिट्ठी आऊँ यूहन्ना अगबें थमां परमेसर थमां चुनी दी मोद्दवर विश्वासी पैंन ते ओदे बच्चें दे नां लिखे करना ऐं, जिंदे कन्ने आऊँ सच्चा प्रेम करना ऐं, ते सेर्फ आऊँ गै नेई, लेकन ओ सारे प्रेम करदे न, जेड़े परमेसर दी सच्चाई गी जानदे न। 2 ओ सच्च जेड़ा साड़े च टिके दा रौंदा ऐ, ते मेशा साड़े कन्ने अटल रौग। 3 पिता परमेसर दे पुत्तर यीशु मसीह थमां क्रपा, दया ते शान्ति साड़े कन्ने सचाई समेत एर्ख रौगन। मसीह दे उक्में च चलना 4 आऊँ बड़ा खोश ओया, के मैं तेरे केछ बच्चें गी ओस उक्म दे मताबक, जेड़ा असेंगी पिता थमां मिलया हा, ओस परमेसर दी सच्चाई उपर चलदे दिखया। 5 ऊन ए मोद्दवर विश्वासी पैंन, आऊँ तुगी कोई नमां उक्म नेई, लेकन उवै जेड़ा शुरू थमां साड़े कोल ऐ, दिनां ऐं; ते तेरे अगें अर्ज करना ऐं, के अस एक दुए कन्ने प्रेम करचै। 6 ते प्रेम ए ऐ के अस ओदे उकमें दे मताबक चलचे; ए उवै उक्म ऐ जेड़ा तुसें शुरू थमां सुना ऐ, ते तुसेंगी एदे उपर चलना बी चाईदा ऐ। मसीह वरोधी दे तोखे कोलां चुकने रौना 7 किके मते सारे ऐसे परमाने आले दुनिया च निकली आए दे न, जेड़े नेई मनदे के यीशु मसीह जेंद च ओईयै आया; परमाने आला ते मसीह वरोधी इयै गै। 8 अपने बारै च चकने रवो, के जेड़ी मेंनत असैं सारें कित्ती दी ऐ, तोस उसी गुआई नेई ओड़यो, लेकन तुसेंगी ओदा पूरा फल मिलै। 9 जेड़ा कोई मसीह दी शिखया कन्ने अपनी शिखया मलांदा ऐ, ओ मसीह दी शिखया च टिके दा नेई रौंदा, ओदे कोल परमेसर नेई; जेड़ा कोई ओदी शिखया च टिके दा रौंदा, ओदे कोल पिता परमेसर बी ऐ, ते पुत्तर बी। 10 जेकर कोई थुआड़े कोल अवै, ते ए शिखया नेई दे, उसी नां ते कर च औना दियो, ते नां गै नमश्कार करो। 11 किके जेड़ा कोई ऐसे मनुक्ख गी नमश्कार करदा ऐ, ओ ओदे बुरे कम्में लेई जिमेंबार ओंदा ऐ। खीरी नमश्कार 12 आऊँ ओर बी मतीयां सारीयां गल्लां दसना चांनां, लेकन चिट्ठी च लिखनां नेई चांदा, लेकन मिगी आस ऐ, के आऊँ थुआड़े कोल औगा ते आमने-सामने गल्लां करगा, जेस कन्ने अस पूरी चाली खोश ओई जागे। 13 तेरी चुनी गेदी पैनूं दे बच्चे तुगी नमश्कार बोलदे न। |
This work is licensed under Creative Commons Attribution-ShareAlike 4.0 License.