1 यूहन्ना 1 - डोगरी नवां नियमजिंदड़ी दा वचन 1 ओस जिंदड़ी दे वचन दे बारै च जेड़ा शुरू थमां हा, जिसी असैं सुनया, ते जिसी अपनी अखीयैं कन्ने दिखया, मतलब जिसी असैं त्यान कन्ने दिखया ते अथ्थें कन्ने छुत्ता। 2 (ए जिंदड़ी तरती उपर परकट ओई, ते असैं उसी दिखया, ते ओदी गवाई दिनयां न, ते तुसेंगी ओस मेशा दी जिंदड़ी दा समाचार सनानयां न जेड़ा पिता परमेसर दे कन्ने हा ते साड़े उपर परकट ओया)। 3 जेड़ा केछ असैं यीशु दे बारै च दिखया ते सुनाया ऐ ओदा समाचार तुसेंगी बी दिनयां न, एसकरी के तोस बी साड़े कन्ने पागीदार ओ; ते साड़ी पागिदारी पिता परमेसर दे कन्ने, ते ओदे पुत्तर यीशु मसीह दे कन्ने ऐ। 4 ते ए गल्लां अस एसकरी लिखनयां न, के साड़ा नन्द पूरा ओई जा। परमेश्वर दे कन्ने संगति 5 जेड़ा समाचार असैं यीशु थमां सुनया, ते तुसेंगी सुनानयां न, ओ ए ऐ; के परमेसर लो ऐ ते ओदे च केछ बी न्हेरा नेई। 6 जेकर अस आखने न, के ओदे कन्ने साड़ी संगति ऐ, ते पी नेरे च चलचे, तां अस चुठे आं ते सच्चाई उपर नेई चलदे; 7 पर जेकर जियां परमेसर लोई च ऐ, उयांगै अस बी लोई च चलचे, तां एक दुए कन्ने संगति रखदे आं, ते ओसदे पुत्तर यीशु मसीह दा खून साड़े सारे पापें थमां शोद्ध करदा ऐ। 8 जेकर अस आखचै, के साड़े च केछ बी पाप नेई, तां अपने आप गी तोखा दिन्दे आं, ते साड़े च सच्चाई नेई। 9 जेकर अस अपने पापें गी मन्नी लेचै, तां ओ साड़े पापें गी माफ़ करने, ते साड़े सारे अतर्म थमां शोद्ध करने लेई वश्वासयोग ते तर्मी ऐ। 10 जेकर अस आखचै के असैं पाप नेई कित्ता, तां परमेसर गी चुट्ठा मननयां न, ते ओसदा वचन साड़े च नेई ऐ। |
This work is licensed under Creative Commons Attribution-ShareAlike 4.0 License.