1 कुरिन्थियों 3 - डोगरी नवां नियममनुक्खें दी नकल करना बाजब नेई 1 ए विश्वासी प्राओ, आऊँ थुआड़े कन्ने एस चाली गल्लां नेई करी सकया, जियां आत्मिक लोकें कन्ने, लेकन मैं थुआड़े कन्ने दुनिया दे लोकें ते जियां मसीह दी शिखया गी कहट समझ आले लोकें साईं गल्लां कित्तियां न। 2 मैं तुसेंगी सादी शिक्षा दित्ती, नां के परमेसर दे वचन दी गैरी सच्चाई गी सखाया; किके तोस उसी नेई समझी सकदे हे; वरन अयें तकर बी नेई समझी सकदे ओ, 3 किके अयें तकर शरीरक ओ। एसकरी, के जेलै थुआड़े च एर्षा ते लड़ाई ऐ, तां के तोस शरीरक नेई? ते के मनुक्ख दी रीति उपर नेई चलदे? 4 किके जेलै एक आखदा ऐ, “आऊँ पौलुस दा,” ते दुवा, “आऊँ अपुल्लोस दा,” ऐं, तां के तोस मनुक्ख नेई? परमेसर दे दासें दा रवईया 5 अपुल्लोस कोन ऐं? ते पौलुस कोन ऐं? ए सेर्फ दास न, जिन्दे थमां मसीह उपर तुसें परोसा कित्ता, जियां अर एक गी प्रभु ने सेवा दा कम दिते दा ऐ। 6 अगर तुसें गीं खेत्रें दा मसाल समझां, ते मैं बी राया, अपुल्लोस ने पानी दिता, लेकन परमेसर ने बदाया। 7 एस आसतै नां तां लाने आला केछ खास ऐ, ते नां पानी देने आला, लेकन परमेसर गै सारा केछ ऐ, जेड़ा उसी बदाने आला ऐ। 8 लाने आला ते पानी देने आला दौनी दी कीमत एक गै; लेकन अर एक मनुक्ख गी अपनी गै मेंनत दे मताबक परमेसर कोलां मजदूरी मिलग। 9 किके अस परमेसर दे खेत्र च कम करने आले न; तोस परमेसर दी खेती ते परमेसर दे पभन ओं। 10 परमेसर दी ओस क्रपा दे मताबक, जेड़ी मिगी परमेसर ने दित्ती ऐ, मैं मैरम राज मिस्त्री आला लेखा नीं सुट्टी, ते दूऐ ओस उपर रद्दा रखदा ऐ। लेकन अर एक मनुक्ख चकना रवै, के ओ ओस उपर कनया रद्दा रखदा ऐ। 11 किके नीं जेड़ी रखी गेदी ऐ, ओ यीशु मसीह ऐ, ओर कोई दुई नीं नेई रखी सकदा। 12 जेकर कोई एस नीं उपर सुन्ना जां चांदी जां कीमती पत्थर जां काठ जां काह जां घु दा रद्दा रखै, 13 तां अर एक दा कम न्याय दे देन परकट ओई जाग; किके ओ देन उसी दसग जेस च ओदा न्याय ओग, एस लेई के ओ देन अग्ग कन्ने परकट ओग ते अग्ग अर एक दे कम परखग के ओदा कम कनया ऐ। 14 जेसदा कम दसग के ओ कार बदियै चीजें कन्ने बनाया गीया, ओ टिके दा रौग, ओस मनुक्ख गी मजदूरी मिलग। 15 जेकर कुसे दा कम जली जाग, तां ओसगी नुस्कान चलना पौग; लेकन ओ अप्पुं जलदे-जलदे बची जाग। 16 के तोस नेई जांनदे, के तोस परमेसर दा मन्दर ओ, ते पवित्र आत्मा थुआड़े च वास करदा ऐ? 17 जेकर कोई परमेसर दे मन्दर गी नाश करग तां परमेसर उसी नाश करग; किके परमेसर दा मन्दर पवित्र ऐ, ते ओ मन्दर तोस ओ। दुनिया दे ज्ञान थमां बचो 18 कोई अपने आप गी तोखा नेई दियै। जेकर थुआड़े बिचा कोई एस दुनिया च अपने आप गी ज्ञानी समझै, तां बेबकूफ बनें के परमेसर दे सामने सच्चा ज्ञानी बनी जा। 19 किके एस दुनिया दे लोकें दा ज्ञान परमेसर दे सामने बेबकूफी ऐ, जियां पवित्र शास्त्र च लिखे दा ऐ, “परमेसर ज्ञानीयें गी उन्दी गै चलाकीयें च फसाई दिन्दा ऐ।” 20 ते पी पवित्र शास्त्र आखदा ऐ, “प्रभु ज्ञानीयें दे वचारें गी जांनदा ऐ, के ओ बेकार न।” 21 एस लेई किसे खास मनुक्खें उपर कमंड नेई करयो, किके सारा केछ थुआड़ा गै ऐ; 22 एसकरी के मैं पौलुस, के अपुल्लोस, के कैफा, के दुनिया दी चीजां, के जिंदड़ी, के मरन, के ऊँन दा बेला, के औने आला कल, सब केछ थुआड़ा ऐ, 23 ते तोस मसीह दे अधिकार च ओ, ते मसीह परमेसर दे अधिकार दा ऐ। |
This work is licensed under Creative Commons Attribution-ShareAlike 4.0 License.