YOSHUWA 19 - Bibliyeeda Ghaydit

Ng'eanyiida silaksa Simeoni

¹ Looteaba iyeenya geesin aba badayda Simeoni aba gideaba eemeeda Simeoni, sea fugeaba gheanyi; nea abeeda hearaniischooda nyaawa gwanda bugusta hearaniischooda eemeeda Yuda.

² Mujiinajeagaaschi hearan Beer-sheba gil, ea Sheba, ea Molada,

³ Hasar-shuali ea Bala, ea Esemu,

⁴ Eltoladi, ea Betuli, ea Horma,

⁵ Siklagi, ea Bet-markaboti, ea Hasar-susa,

⁶ Bet-lebaoti, ea Sharuheni mujiinaji damasamwagu ea gharang'weakaaschi;

⁷ En-rimoni, ea Eteri, ea Ashani mujiinaji ang'wan sea gharang'weaka nyaawa;

⁸ gharang'weaka sean neaweesa mujiinajeesu meadajeega sean ea ghwahita Baalat-beeri, ea Rameeda Negebu. Suh abeeda gageanda eemeeda Simeoni sea fugeaba gheanyi.

⁹ Heeda hearan fuga Simeoni ng'eanyiida silaksa fuga Yuda gil, aba gideaba heeda silaksa fuga Yuda abeeda aahaw muuchi aba saawa, ak eemeeda Simeoni gwahearan aba bugusta nyaawa.

Ng'eanyiida silaksa Sabuloni

¹⁰ Looteaba samwagu geesin aba badayda Sabuloni, ea fugeaba gheanyi. Ak moonghooda ng'eanyiida hearan gawa ea ghwahita Saridi;

¹¹ hean gawa moonghoadaanyi ghwascheang'da gwarakta ea ghwahita Mareali, ak gagul Dabesheti, hean ea ghwahita gheang'deenda mida gayeewda Yoknemu;

¹² ak ghang'eada Saridi ea gawa meatkweeda niirja heeda ghayeawa arearuuna aseeta ea ghwahita moonghooda Gisilot-tabori; ak gawa ea ghwahita Daberati, hean ghwascheang'da ea ghwahita Yafiya;

¹³ ng'eada hoowa ghang'ata nea ghoadoas arearuuna aseeta ea ghwahita Gati-heferi, ea ghwahita Eti-gasini, ak gawa gwarina Rimoni ak ghwahita Nea;

¹⁴ hean gwaneaweesa moonghooda wiilooda ng'eanyiida ghayeawa ea ghwahita Hanatoni, ak gamuudeana moangoachiyda Iftaheli;

¹⁵ Gatati, ea Nahalali, ea Shimroni, ea Idala, ea Betlehemu mujiinaji damaniyeenya sea gharang'weaka nyaawa.

¹⁶ Suh gea hearan eemeeda Sebuluni gil, sea fugeaba gheanyi mujiinajeesu ea gharang'weakaaschi.

Ng'eanyiida silaksa Isakari

¹⁷ Looteaba ang'wan geesin aba badayda Isakari, aba eemeeda Isakari, sea fugeaba gheanyi.

¹⁸ Ng'eanyiida nyaawa ghwahita Yesreeli, ea Gesuloti, Shunemu,

¹⁹ Hafarayimu, ea Shioni, ea Anaharati,

²⁰ Rabiti, ea Gishoni, ea Ebesi,

²¹ Remeti, ea Enganimu, ea En-hada,

²² ak gawa moonghooda ea gagul Dabori, ea Shahasuma, ea Bet-shemeshi, ak moonghoadaanyi gamuudeana Yordani mujiinaji damwalah gil ea gharang'weakaaschi.

²³ Suh gea hearan eemeeda Isakari gil, sea fugeaba gheanyi mujiinajeega gharang'weakaaschi.

Ng'eanyiida silaksa Asheri

²⁴ Looteaba muut geesin aba badayda eemeeda Asheri sea fugeaba gheanyi.

²⁵ Ak ng'eanyiida nyaawa ea Helkati gil ea Hali, ea Beteni, ea Akshafu,

²⁶ Alameleki, ea Amadi, ea Mishali, gawa nea aba heeda biyeara ghwahita Garmeli ea Shihori-libinati,

²⁷ hean gwayamna geaw heeda ghayeawa, ak gawa ea ghwahita Bet-dagoni, ak gagul Sebuluni, ea moangoachiyda Iftaheli mida wiilooda ng'eanyiida ghayeawa ea ghwahita Bet-emeki ea Neieli; hean gawa nea gagal wiilooda ng'eanyiida ghayeawa ea ghwahita Gabuli,

²⁸ Ebroni, ea Rehobu, ea Hamoni, ea Gana, ak gawa ea ghwahita Sidoneeda haw;

²⁹ ak gwayamu geaw moonghooda ak gawa ea ghwahita Rama, ak gawa ea ghwahita hilgweanda mujiineeda Diro, ak gwayamu geaw moonghooda ea ghwahidu Hosa, ak gamuudeana basooda; neekeewa Mahalabu, ea Akisibu,

³⁰ Uma ea Afeki ea Rehobu mujiinaji diktam ea iyeenya ea gharang'weakaaschi.

³¹ Suh gea hearan eemeeda Asheri gil sea fugeaba gheanyi, mujiinajeesu ea gharang'weakaaschi.

Ng'eanyiida silaksa Naftali

³² Looteaba lah geesin aba badayda eemeeda Naftali, aba gideaba geesissa eemeeda Naftali ea fugeaba gheanyi.

³³ Ak moonghoadaanyi ghang'eada Helefu, ak ghang'eada Sabiida mida Saananimu, ea Adami-nekebu, ea Yabneeli, ak gawa ea ghwahita Lakumu ak gamuudeana Yordani;

³⁴ hean gwayamna geaw moonghooda heeda biyeara ea ghwahita Asinot-tabori, ak ghang'eada hoowa ak gawa ea ghwahita Hukoki, ak gawa ea gagul Sebuluni mida wiilooda ng'eanyiida biyeara, ea Asheri mida heeda biyeara, ea Yuda mida giigheawda bea Yordani.

³⁵ Ak mujiinajeega sineaweesa hilgweanda ea Sidimu gil ea Seri, ea Hamati, ea Rakati, ea Ginereti,

³⁶ ea Adama, ea Rama, ea Hasori,

³⁷ Gedeshi, ea Edreyi, ea Enhasori,

³⁸ Yironi, ea Migdaleli, ea Horemu, ea Betanati, ea Bet-shemeshi, mujiinaji damashageash sea gharang'weakaaschi.

³⁹ Suh geahearan eemeeda Naftali gil sea fugeaba gheanyi, mujiinajeega gil sea gharang'weakaaschi.

Ng'eanyiida silaksa Dani

⁴⁰ Looteaba ispwa geesin aba badayda eemeeda Dani, sea fugeaba gheanyi.

⁴¹ Ak ng'eanyiidaanyi geanda ea Sora gil, ea Eshtaoli, ea Ir-shemeshi,

⁴² Shaalabini, ea Aiyaloni, ea Itila,

⁴³ Eloni ea Dimna, ea Ekroni,

⁴⁴ Eliteke, ea Gibetoni, ea Baalati,

⁴⁵ Yehudi ea Bene-beraki, ea Gat-rimoni,

⁴⁶ ea Mejarkoni, ea Rakoni sea ng'eanyiida duukusa Yopa.

⁴⁷ Iidu nea gaburdeawa moonghooda nyaawa dea Dani, hean ghwascheang'da Dani ak gawa gang'uchi Leshemu ak ghabwar aba ng'uta ak ghoang'waay hoorgeeda ak goopteadawa, ak gaguura Leshemu, Dani nea gheawunga ghweanda nyaawa.

⁴⁸ Nih gidahearan eemeeda Dani gil sea fuga gheanyaawa mujiinajeesu sea gharang'weaka nyaawa.

Lakiisiinda huuydean bea ng'eanyiida

⁴⁹ Iidu nea siihiit lakiisiinda ng'eanyiida jea gwahearan, hean ghoadaw fuga Israeli hearanda Yoshuwa was orjeeda Nuni aba bugusta nyaawa.

⁵⁰ Gawuurji gidarukuteayda NG'UTAMIIDA hean geataw niny mujiineeda gasa, nea Dimnat-sera gil mida jeeda ng'eanyiida heayeeniga bea Efraimu; ak ghwadeas mujiini, ak goobiida jeeda.

⁵¹ Suh darooraka hearan Eleasari gil was ashoohoocheanda ea Yoshuwa orjeeda Nuni ea fuga hees bea ghweaniga gealga eemeeda fuga Israeli geelaja aba loota ghoah hearanda aba Shilo, aba madeeda NG'UTAMIIDA, mida gidaghuuta maheemajeanda siroondooscheesa. Hean geahiit lachooda ng'eanyiida.