NYIIGHEEGA 52 - Bibliyeeda Ghaydit

Girgweageeda ASEETA ea baydeayda

¹ Ea orjeeda siida hoauur, ghwasaan inyas gighwari geaw munyindaang'u aba badahuuka fuga bada ASEETA askwearda sean?

² Iissa gibadayi sinooda ng'asheega munyas galeaga sean. Gawuurji janaweeda ng'aniip, iissa gigasayi sinooda ng'asheega munyas.

³ Gibwariinyi ng'asheega munyas moasami ng'asheega miyaas, ea ng'uyeega ea ghang'al rukunooda ng'asheega huumwa.

⁴ Gibwariinyi ng'asheega sean huteawi buuneeda, Ea ghuuta ng'uyeega.

⁵ Ak gaygwanyarjaneey ASEETA damanda manda muudeanooda; gayghoasealnyi ak gageandeawaneey jeeda maheemajeandaang'u, jeeda ng'eanyiida fuga majeekcheewi.

⁶ Ak gaygwadeagu fuga doobiiweadi, ak ghang'ut muuwda ak gabara reari niny nea gwayi,

⁷ “Ang'ula siida mwanung' ghoah ASEETA dea jea gamng'awsa, niny ghaghus seang'ayda haleanjeeda mideawa bea baruureagaaschi, ak ghwanung' ghoah baruureagaaschi heechea gamng'awsa!”

⁸ Nea aniini geawuurjeewi saytuunajeanda liindan rinna jeeda gheeda ASEETA. Aniini ghaaghuschi bariinyeega ASEETA damanda manda muudeanooda.

⁹ Gaydabadiischooweey damanda manda muudeanooda aba gideaba gidanisini. Gaydarukwiida gheawungaagu, aba gideaba aamiy, aba madeeda fuga bada ASEETA.