ISAYA 20 - Bibliyeeda Ghaydit

Gwadeagooda sibaneeda dawiish

¹ Hean gweaydida goojeakta Sargoni was sugoocheanda Ashuru, shirikarajeandaanyi haw ak gawa gang'uchi mujiineeda Ashdodi ak ghoang'waay,–

² Aba damandida gabalool NG'UTAMIIDA aba ghuuta Isaya was orjeeda Amosi ak gwayeesha, “Una ak gifwakti hang'weakaagu bea guniyajeega mida manandaang'u. Ea geekaagu mida geeshangaagu,” Hean gwasindunu ak gawa nea dawiish nea mandeawana eara geeka–

³ Ak gwayi NG'UTAMIIDA, “Iinukwa siideanyu bea gadiyeeda was Isaya gwaneayi nea dawiish ak ea mandeawana geeka gweanyeew samwagu, nih gwadeagooda gida jea gwahisa fuga Misri gil ea Gushi,

⁴ asi gayghwaadeagwa sugoocheanda Ashuru soomjeandumeeda, fuga Misri ea fuga Gushi fuga hees ea gea diibiga manang'i. Ak gaygaweay nea dawiiri nea mandeawana geeka, nea meekwa apoojiga nyaawa geebaysiina gideaba eapwaaspwaas Misri.

⁵ Ak gaygwahirbaban nea ghabwaspwas aba badayda Gushi, gayghaghus nea ghaghwar geat aba badayda Misri.

⁶ Aba damandida gaygwayi fuga ghuuta basooda Filisti, ‘Ang'ula gidabussa fuga sighuschi sisalsi ak geemuschi ghaweadeasa nea ghoaghuuhaneasa sugoocheanda Ashuru ak ghamneawa aseasa gajeeghuydaan?’”