ISAYA 12 - Bibliyeeda GhayditSarmeeda badiischeesiinda 1 Ak eaweedida gajeena: “Ea NG'UTAMIIDA, gaydabadiischeeweey, earapeadi ninyareeksean, nyarastaang'u nihawda, ak ea ninung' dahawda. 2 “Ng'ula, ASEETA lealnoocheandeanyu, gaydaghus niny ak ea maydabeal aba gideaba NG'UTAMIIDA was ASEETA uurdeanyu gil ea sarmeedeanyu ak ea niiw lealnoocheandeanyu.” 3 Gajaweayeena gajaramni beega aba hooseaneega aba jeeda healatka lealeanooda. 4 Ak eaweedida gajayeena: “Abadiischeesiina NG'UTAMIIDA, amwaasha aba gheawungaaschi; arukwiida gadiyoojigaaschi aba jeeda eemoojiga, arukwiida gideaba gheawungaaschi ea ghaambiidaat. 5 “Asarmasiina NG'UTAMIIDA aba gideaba nisin ng'asheega hees; ak geanal ng'asheesu aba jeeda ng'eanyiisean. 6 Oochuura, nea goosarmanyi aba hooseaneega, Ea fuga Sayuni, aba gideaba daahaw mida jeedeang'wa ASEETA ghaydit bea Israeli gil.” |
The Bible in Datooga © Bible Society of Tanzania, 2015.
Bible Society of Tanzania