HOSEYA 3 - Bibliyeeda Ghaydit

Hoseya sea gatmooda hiseada

¹ Ng'ata gwayeeshiinean NG'UTAMIIDA, “Una biikta bwariinya gatmooda bwariiy ng'wasangaaschi nea gwahiseada, gawuurji gidabwariiyda NG'UTAMIIDA fuga Israeli, eara gwayamiisa geat aseecheeka suuk ea bariinyeega mukaatajeega sabiibooda gajeami.”

² Hean geasheaysi geaw gatmooni aba shekeelaji damanamuut bea lapiya ea homeeri ea mushoota shayiiri.

³ Ng'ata geayeeshi, “Gaywoosa gatmoodeanyu aba eawoojiga saang'a, nea ea maygudu hiseada, nea ea maygudu was gatmu sih nuut; ak eara aniini ea gichea dawuurji gil aba headaang'u.”

⁴ Aba gideaba diibiga Israeli gaygoobiida eawoojiga saang'a nea mandeawana sugoocheanda ghana siida haw, ak ea mayghoan ghoadayda lukghumajeega sigwariida, ea ng'udanga, ea naifeera ea sanaamu sisna geadi.

⁵ Iing'ata gaygwayamu geat diibiga Israeli gagaseada NG'UTAMIIDA was ASEETA nyaawa, ea Dawdi was sugoocheanda nyaawa; ng'ata gayghoang'eat gwasissa mureeda NG'UTAMIIDA ea miyindaanyi aba eawoojiga muudeanooda.