HOSEYA 14 - Bibliyeeda Ghaydit

Musiischooda Hoseya aba heeda Israeli

¹ Ea Israeli, biiksiina NG'UTAMIIDA was ASEATAANG'U, aba gideaba niibeadi aba giidiinyeanyeekaagu.

² Ayaadana geadi ng'asheega ak goobiiksi NG'UTAMIIDA, ak gooyeeshi, “Geanda giidiinyeanyeeka sean; ang'waanya ng'asheega miyaas ak gajeatayda haghweega ghuusigaasa.

³ Ashuru mayghoamu ghaweadeasa, nea ea maygudu eeding'da faraasajeega; nea maygudu eeyeena ‘ASEETEANYA’, aba gadiyeeda geatingaasa. Aba headaang'u bananga inyeesa ghwanyas baydeayda.”

NG'UTAMIIDA fuga Israeli eaweega miyaas

⁴ Ak gaydaahaap nyoota nyaawa bea masaweega; ak gaydabwariiy saawa mwadaagha, aba gideaba nyarasteanyu ning'amwa heanyaawa.

⁵ Gaydawuurji rahooda aba heeda Israeli; nea gayghwadaakghwanda deakghweeda, ak gayghwadardaayda hawunga gawuurji geeta;

⁶ damealgaaschi gayghwadarda; nea leangaaschi gaygawuurji saytuunajeanda, ea shearoadaanyi gaygoowiinyi Lebanoni.

⁷ Gaygabiigu ak goobiida jirooneedeanyu, ak gayghwaliindanda boostaani; ak ghwaliindan gawuurji difaayi, shearooda nyaawa gaygawuurji difaayeeda Lebanoni.

⁸ Ea Efraimu, Aniini gaydasima naaha sanaamu? Aniini gil siida sheaha ghuusigeagwa ak ghoahaaghwaneegwa. Aniini geawuurjeewi meaghayeanda mideawa seenga nyawiiri, heedeanyu gwarituuna haghweagaagu.

Huuydeanda

⁹ Ng'eaha gil siida weaghoot, danung' ghwanal ng'asheesu, siida haw fughara danung' ghwanal ng'asheesu; aba gideaba naweadinga NG'UTAMIIDA ea doobiiweadi, nea fuga doobiiweadi gayghwala naweadingiga, ak fuga munyas gaygabeanya geat aba naweadinga.