Efeeso 2 - Bibliyeeda Ghaydit

Ghang'eada miyeeda ea ghwahita eaweega

¹ Ak gagooneegwa eaweega, nea abeeda ea noomeewayi aba giidiinyeanyeeka ea riing'eega,

² was gea ghayi oayaachi geeshta nea goomaseawji seareedida bea ng'eanyiidean, nea ghoayaachi geeshta sugoocheanda mideawa uurda humng'eeda, gurooroodida ghamneawa sin gadiyeeda aba jeeda orjooga fuga manda mureedean.

³ Aba suh ghayi eara aseasa siipiidi eesa sean jeeda haleanjeeda gasa sasanuukaasa, nea geayaachi geeshta haleanjeeda gasa saseeda ea uhuuda, nea geebean eewoosa diibiga nyarasta, ak geewuurjeewi fuga mwaatkwa.

⁴ Nea ASEETA baruur aba baydeayda, aba jeeda bariinyeagaaschi haw aba gidabwariiydaneasa,

⁵ earapeadi ghayi simeewayi aba giidiinyeanyeekaasaan, iidu ghwanung' eeduutuuna sea Gristo, (aba dagheerjeanduumeeda silealneegwa),

⁶ ak gooduuneasa sea niny ak ghwanung' eepiitpiida sea niny aba jeeda ng'eanyiida guroorooda, aba jeeda Gristo Yesu,

⁷ nea aba seaygoojiga jea ghwahidu gwadeepa ghoahiimu meanang'oocheanduumeeda mwoamu eeteen aba dagheerjeanduumeadaanyi aba inyeanda jeeda aba heedeanya aba jeeda Gristo Yesu.

⁸ Aba dagheerjeanduumeeda silealneegwa aba naweeda masaweega; ea masina milmilandeang'wa oosinyi, nih gagu ASEETA–

⁹ ak ea mii gisin siida, asi gilinyoo ea sih gil adaghaghwar geaw.

¹⁰ Aba gideaba aseasa geawooschi gadiyeadaanyi, gwasinneasa naweeda Gristo Yesu, aba gadiyoojiga miyaas, ghayi bean gwasin ASEETA aba mwadi, gideaba eeyaada geeshta.

Agi aba jeeda Gristo

¹¹ Asi oapkaada gideaba ghayi agooga goowooschi fuga Eemoojiga aba saseeda, ak geeguureewaneegwa fuga mii eayaat ghasmeahooda aba gissiguura ghasmeahooda, sisissa saseeda aba geatinda–

¹² oapkaada gideaba eara agooga aba damandida siiheelaneegwa sea Gristo, ak geeheelaneegwa sea eemeeda Israeli, ak goowooschi rabasta neajeeda heeleesiindida, ak ea moondeawani gidoararji nea manda ASEETA jeeda ng'eanyiida.

¹³ Ak ghamneawa aba jeeda Gristo Yesu agoogeeni ghayi oowooschi sheagiin ea siineekiideegwa aba foojeanda Gristo.

¹⁴ Aba gideaba niny hoyyooydeanya, nung' eahuuwa eesa sean agi, ak gwanyarja ghamarda beashooda bea furjeeda,

¹⁵ iidu nea ghoahiit geandeayda deaweeda aba saseadaanyi aba digheanyeeka ea huumeanyeeka, ak abeeda gwasin siideesh nea gaba geaw ghoaghiisa gea asiyeenya, ak gwasin hoyyoo,

¹⁶ hean gooduupcheeweasa eesa sean ASEETA aba saseanagi aba naweeda beehiida, ak gwaduulu furjeeda.

¹⁷ Ak ghwahidu ak gwarukwiida hoyyoo aba heedeang'wa agoogeeni sheagiin ea hoyyoo aba heeda fuga neeki;

¹⁸ aba niny aseaseeni seaniin siimuuschi eeneekiisiinana Bwaabwa aba gurooroanagi.

¹⁹ Asi ghang'eada ghamneawa agooga moowoosi rabasta ghana fuga ng'ata, goowooschi fuga bea ng'eanyiida sea fuga ghaydidi biissa awoosa fuga gheeda ASEETA,

²⁰ sideeksa badayda sindeeta ghayi bea giijasoodiga ea sibanga, ak Gristo niny ea lagheaneeda haw washiini,

²¹ niny ghwasar gheesean, ak googuuyi ak ghoah gheesibata ASEETA ghaydit bea Ng'utamiida;

²² aba niny eara agooga geedeekseegwa jeedeaba niny ghoah heechea goobiida ASEETA aba jeeda Guroorooda.