Kulumbaisha 82 - Baibo Busansulushi Bwa Libuku Ili

Lesa ngomoomboloshi munene

Lwiimbo lwakwe Asafu.

¹ Lesa ngooendelesha nkuta yakwe ya kwiculu. Ngowoombolosha akutimbula makani pakati ka balesa ayi,

² “Ino mulaakucileka lili kwiimikanina bataluleme akufuninina bantu babiibi?

³ Amwiimikanine bakandu abana banshiwa, mutanyengeleli bapengete abaabo batoolyatililwa.

⁴ Amufune bakandu abataaku mbobabete. Amubakushe mumaansa a bantu babiibi.

⁵ “Taaku ncemwishi alimwi tamucite lushibo. Muleenda mumunshinshe uyoosha uku lwiimbi lwa cishi ca panshi kalutenkaana.

⁶ “Ndakaamba ayi, ‘Muli balesa, noonse muli baana ba Lesa wa kwiculu Wiindaawo.’

⁷ Sombi mulaakufwa anga mbantubo, Mulaakufwa anga ngumuleli uli woonse.”

⁸ Amunyamuke nobaLesa, amoomboloshe cishi ca panshi. Mukwiinga mishobo yoonse ili mumaansaanu.