Kulumbaisha 149 - Baibo Busansulushi Bwa Libuku Ili

Lwiimbo lwakulumbaisha

¹ Amulumbaishe Mwaami Lesa! Amwiimbile Mwaami Lesa lwiimbo lupya. Amumulumbaishe mulibungano lya bantu bakwe basalalite.

² Bene Isilaeli abasangalale muMulengi wabo. Bene Siyoni abakondwe muMwaami wabo.

³ Abalumbaishe liina lyakwe uku kabashana, amulishe misebe atulumbu.

⁴ Ceebo Mwaami Lesa ulakondwa mubantu bakwe, ulalemeka baliceesha mukubapa nkusu shakukoma.

⁵ Abasekelele bantu basalalite ceebo ca bulemu ubo. Beembe cakusangalala mashiku mumaandaabo.

⁶ Milomo yabo ayilumbaishe Lesa. Abamulumbaishe kabacite mipeeni ikolete koonse koonse mumaansaabo

⁷ kwaamba ayi babooshe cishole kumishobo imwi, akwaanisha bakunsengwe boonse abo.

⁸ Abaange bamaami babo ancetani. Abaange bamatanjilili babo munshimbi.

⁹ Babaciite kweelana ambokulembetwe mukwiinga ubu mbobulemu bwa basalalite bakwe boonse. Amulumbaishe Mwaami Lesa!