Kulumbaisha 121 - Baibo Busansulushi Bwa Libuku Ili

Mwaami Lesa ngoshikutulama

Lwiimbo lwa pakutanta.

¹ Ndanyamuna meenso angu akulanga kutulundu. Ino lucafwo lwangu lulaswita kuli?

² Lucafwo lwangu lulaswa kuMwaami Lesa uyo wakalenga liculu acishi ca panshi.

³ Teshi akakuleeke kwaamba ayi uwe. Uyo ukulama taashinshiliiwo napaceyi.

⁴ Ncakwiila uyo ulama Isilaeli, teshi akashinshileewo nabi koona.

⁵ Mwaami Lesa ngomulama, Lakwe ncecimfule cako kulyaansa lyako lyalulyo.

⁶ Lisuba teshi likakucisewo ciindi ca malumwi, nabi mweenshi awalo ciindi ca mashiku.

⁷ Mwaami Lesa ulaakukufuna kushintu shoonse shikonsha kukucisa. Ndushinisho ngweshi akalame buumi bwako.

⁸ Mwaami Lesa ngweshi akakulaame koonse nkweshi ukaye kuswa sunu kushikila muyayaya.