Kulumbaisha 114 - Baibo Busansulushi Bwa Libuku Ili

Lwiimbo lwa bushiku bwa pasika bwakwiibaluka kusotokela

¹ Ciindi bene Isilaeli ndibakaswa kuIjipiti, bamulunyungu lwakwe Jakobo ndibakaswa mucishi ico ca bweensu,

² bene Juda bakaba bantu basalalite bakwe Lesa. Ee, bene Isilaeli bakaba bantu ba mubulelo bwakwe.

³ Lweenge Lusalala ndilwakababona lwakayuma. Awalo Mulonga wa Joodani wakaboola pesule.

⁴ Tulundu tunene twakasotooka mbuli mpongo, tulundu tuniini atwalo twakasotooka mbuli bana ba mbelele.

⁵ Webo olweenge, ceebonshi wakayuma? Awebo Joodani wakaboolelanshi pesule?

⁶ Mwebo notulundu tunene ceebonshi mwakasotooka mbuli mpongo? Amwebo notulundu tuniini mwakasotookilanshi mbuli bana ba mbelele?

⁷ Tenkaana webo ocishi ca panshi kunembo lya Mwaami Lesa. Ee, tenkaana kunembo lyakwe Lesa wakwe Jakobo.

⁸ Wakasandula myaandami kuba tushiba twa maanshi. Wakalinga mwaandami uyumu nta ngwaakasandula kuba tuntupu twa maanshi.