LUCAS 9:4 - Zapotec Mixtepec: Diidz ne rdeed guielmban

⁴ Guiedz ne gdziṉ to, zha ne gneedz zaatne cuëz to, lidz zha co goḻcuëz, haxta gdziṉ dze ne gbi to guiedz co.

LUCAS 9:4 交叉參考

MATEO 10:11

’Guiedz ne gdziṉtaa to, goḻguib dieṉ pa lo no tib zha ne ndzinli, dzigo lidz zha co goḻtsiebëz, haxta gza dze ne laa to gbi guiedz co.

MARCOS 6:10

Ni rëb me lo zho: ―Guiedz ne gdziṉ to, zha ne gneedz zaatne cuëz to, lidz zha co goḻcuëz haxta gdziṉ dze ne gbi to guiedz co.

LUCAS 9:3

―Goḻtsie ―rëb me lo zho―. Per ib güeyde to ncuaaṉe yquiin to nëz. Zig nac dimi, zig nac ncuaaṉe gow to, pe bziuud, pe baxtongaa, güeyde tow; xab tow, miṉe nacwse to miṉcose goḻtsienie.

LUCAS 9:5

Per teḻne gdziṉ to tib guiedz, nëd miech yquiaadiag zho miṉe zienee to, dzigo goḻlit grë yudie co ni to, goḻrieegazh ga, zeeṉa guieṉ zho gaṉle doḻ ga beeṉ zho lo Dios, nëd zho ycaania zho xtiidz me.

HECHOS 16:15

Dzigo hor cogazh brobnis me grë meṉlidz me; blozh ga, bredz me no guiobiaaz no lidz me, nëchaa me lo no: ―Teḻne rzac to nli dib zdoo naa rleynie naa Dios, goḻtë sca cuëz to lidz naa. Rzoobguic me lo no, nacne biobiaazaque no lidz me.