LUCAS 8:25 - Zapotec Mixtepec: Diidz ne rdeed guielmban

²⁵ Dzigo rëbchaa me lo zho: ―¿Pe nacne rdzieb to? ¿Niacxe rliladzde to Dios dib zdoo to? Ne nligaa rdzieb zho, ni lala rzee zdoo zho, rnabdiidzlsa zho rnee zho: ―¿Bay cho nac me? ¿Zha nacne haxta me, haxta nis ron xtiidz me?

LUCAS 8:25 交叉參考

MATEO 14:31

Dzigo wbig me bzheṉ me nia Pedr, bzoli me Pedr lo nis co. ―¡Aque luu goṉ Pedr! ―rëb me―. ¿Pe nacne gocchop guic luu? ¿Gard goṉ gliladz wen luu cho nac naa?

MATEO 17:20

Dzigo rëbchaa me: ―Brieelode to niuṉcxooṉ to ma, sacne rnalode to Dios. Teḻ niaca miṉe rnalole to Dios siquier palal yeeṉ, gzoob ne siquier lal tib midz moxtaz, niicxe ncuaaṉe mazdraa ngaṉ gnab to lo me, zuṉ mew; tsod ncuaaṉe grieelod guṉ to.

MATEO 6:30

’Gase na gaṉle goḻwi, niicxe grë guiee dan co na, zna dze zob nguiaw, gzhe widz laaw bidzle, laaw tsecle, ni scataa niow rgacwxab Diosa, ¿pe leḻ to dzigo ygacwxabd me, niicle ne squi gard guieṉ to dib zdoo to gnalo to me?

MATEO 8:10

Zeeṉe goṉ Jesús sca rnee meṉ co, rley me, rëb me lo grë zha ne zienaḻ zhits me ga: ―Lo grë zha Israel, gard goṉ gaṉ naa tib zha ne squitaa dib zdoo rnalo Dios.

MATEO 8:26

Dzigo rëbchaa me lo zho: ―¿Pe nacne squitaa rdzieb to? ¡Gardaque dzigo lëë gliladz to cho nac naa! Dzigo guche me, bnee me lo me co, bnee me lo nis co cuedzew. Horcogazha blëz me co, niicle nis cow laaw bredze.

MARCOS 4:35

Zeeṉe bdze dze co, rguetsle liuw rëbchaa me lo xpëëdscuel me: ―Goḻgotsaa dieedquia ne stib nëz lo nis rii.

LUCAS 12:28

Gase na gaṉle goḻwi, niicxe grë guiee dan co na, zna dze zob nguiaw, gzhe widz laaw bidzle, laaw tsecle, ni scataa niow rgacwxab Diosa; ¿pe leḻ to dzigo ygacwxabd me, niicle ne squi gard guieṉ to dib zdoo to gnalo to me?

LUCAS 8:24

Zeeṉe goṉ zho scataa ntseeb rac lo nis co, lëëlëd güey zho güeycuaan zho me. ―¡Maestro! ―rëb zho―. ¡Blee mcaaḻlo luu gaṉle, laa ne nonitlo lo nis rii niina! Dzigo guche me bnee me lo me co, ni bnee me lo nis co. Zigne bnee me, dzese biac me, dzese bre nis co.

LUCAS 8:26

Bdziṉ zho stib nëz ro nis co, ga nac xtan zha Gadar. Zo zho ga, nëz daṉ squi riaaṉ xtan zha Galilé.

JUAN 11:40

Dzigo rëbchaa Jesús: ―Led laa naa nile lo luu, teḻne dib zdoo luu rliladz luu naa, bii zaṉ luu gaṉle zha nactaa grë ncuaaṉe ndzon ne ruṉ Dios.