LUCAS 19:44 - Zapotec Mixtepec: Diidz ne rdeed guielmban

⁴⁴ haxta guiab to ladznia zho, grë xpëëd to. Znitlo zho ladz to, nëzrii nëzrec glaaḻ zho grë quie ne niaa grë lidz to i; sac squi beeṉ to ib pcaaniade to Dios, zeeṉe biaadpaa me nsilaa me to lo xtoḻ to.

LUCAS 19:44 交叉參考

MATEO 24:2

Blozhse bui zho low, rëbchaa me lo zho: ―Niicle squitaa nagoṉ niaaw, per zdziṉ dze ne nitlow dib nacsew. Ni stib quie qui guiaaṉdraa zigne squi zhobxcuaaw i.

MARCOS 13:2

Pquiab me rëb me lo zho: ―Nligaa lëë zha niaataaw. Per niicle squitaa goṉ raṉ tow niina, zdziṉ dze ne nitlow dib nacsew. Ni stib quie qui guiaaṉdraa zigne squi zhobxcuaaw i.

LUCAS 1:68

¡Xquizh xquieḻnzaac meṉ nroob ne rnabey, meṉ ne nac xDios ne nac ne zha Israel! Sac goṉ laa me ziaad, ziaadgaṉ me ne, ziadbee me ne lo xquieḻnë ne.

LUCAS 1:78

Ne nligaa rleynie me ne, rquia zdoo me ne, gane laa me cxeeḻ Xpëëd me, meṉ co gac zig tib biini,

LUCAS 19:42

rëb me: ―¡Prob to meṉ Jerusalén! ¡Tebaa ye to nieṉ niuṉbey to meṉ ne needz guieḻbley rii lo to! Per na ib bieṉde tow, masaque rzac to zig zha ne nioog lo.

LUCAS 21:6

―Niicle squitaa goṉ raṉ to niaaw niina, per zdziṉ dze ne nitlow, dib nacsew. Ni stib quie qui guiaaṉdraa zigne squi zhobxcuaaw i.

1 PEDRO 2:12

Goḻguieṉ zaacse goḻgac lo grëraa zha ne gard guṉbey Dios; niicle ne gneenë zho to niina, sac zho to zig cho grë zha ntseeb, per zeeṉe gaṉ zho ne ndzinli nac grë ncuaaṉe ruṉ to, haxta zleynie zho Dios gaḻ dze ne laa Jesús guiaadguṉ guieḻwxtis.