16 Sac niicle zhaw, niicle naaw, choot zionaḻd grë ncuaaṉe ndzinlid ne rac lo guidzliu rii.
Pseed naa zho miṉe nac xtiidz luu; per na rlëë grëraa miech raṉ zho zho, sacne zienaḻdraa zho grë ncuaaṉe ndzinlid ne rac lo guidzliu rii. Nac zho zigne nac naa, rleynied naa grë ncuaaṉ co.
―Teḻ to ―rëb me―, zha nëz lo guidzliu nac to; laa naa goṉ zha nëz gbaa nac naa. Meṉ guidzliu rii nac to, saṉgue naa nacd naa zha guidzliu rii.
Grë zha co, ncuaaṉe rac lo guidzliu rii nonie guic zho; gacxe waa, niapse lëëw rnee zho, ni gagaa grëque zha ne rleynie grë ncuaaṉ co, zha co rliladz zhiwseed zho.
