9 Nëchaa me: ―Tsiipchopraa hor name rziini ngbidz, ni laga niini rna zac tibliladz zia ne, noxtseebd ne lega pa grieḻ ni ne;
loxaque pcow liu, noxtseeb pa grieḻ ni ne; sac ncow rna.
Dzigo pquiab me rëb me lo zho: ―Naa nac zig tib biini ne noziini lo miech; ni ngabse dze ne cuëz naa lo to. Laga noziini naa lo to, goḻsëni zaatne riab biini zeeṉa ygaade to guieḻcow; sac zha ne rzë lo ncow rieṉd zho palo zie zho.
Zhile laa liu ycow. None dzioxco ne dziuuṉ ne xtsiiṉ meṉ ne pxeeḻ naa laga nasraa bii zob ngbidz, sac deque ycow liu choot grieelodraa guṉ dziin.
Zha ne rleynie samiech, zha cosi nli lo biini co mban zho, noxtseebd lega tsobe zho, sac raṉpaa zho pa lo zie zho;
