APOCALIPSIS 16:2 - Zapotec Mixtepec: Diidz ne rdeed guielmban

² Dzigo briee tib anjl co, güey me, güeylaat me xcop me lo guidzliu, hor co grëse zha ne noquiitsgzhib lo zhimdio ma ntseeb co, zha ne quia xbey ma ga, psilo biaaḻ dipse lad zo, yoobdox ne rquia zho.

APOCALIPSIS 16:2 交叉參考

HECHOS 12:23

Laa me bii quianeeque, zeeṉe biet tib xanjl Dios bdiṉ me, psilo dow mziog me, gagazh gut me. Sca gut me, sac beeṉbeyd me ne Dios nac meṉ ne non, meṉ ne rnabey.

APOCALIPSIS 13:12

Ye ma rap ma poder, squi zo ma ne no mdel nroob co guic rnabey ma teḻ zha racladz ma; bnabey ma yquiitsgzhib grëse miech lo ma co.

APOCALIPSIS 14:16

Dzigo pteed meṉ co yaguiits dipse lo guidzliu, ptop me grëse zhob co.

APOCALIPSIS 14:9

Zhiits co naḻaque stib anjl, scaque nguiedz zëëb tsi me, rnee me: ―¡Grëse zha ne yquiitsgzhib lo ma ntseeb ne brieequia lo nisdoo ga, yquiitsgzhib zho lo mdio ne niaa zig niaa ma ga, gdeedgaa zho diidz yquia xbey ma nia zho, yquiaagaaw quia zho,

APOCALIPSIS 16:1

Dzigo bin naa nguiedz zëëb tib tsi meṉ co leṉ yadoo ro co, bnee me lo gza gadz anjl co, rëb me: ―Goḻtsie, goḻtsiexiee gza guieḻnë ne nac xian Dios i lo guidzliu.

APOCALIPSIS 16:11

per niicle scaw, ib psaand zho xquieḻntseeb zho, leḻ psilo zho rneenë zho Dios, pe nacne scataa rquia zho yoob, pe nacne scataa quiayaaḻ gdib lad zho.

APOCALIPSIS 8:7

Zeeṉe laa tib anjl co pcuedz zhitrompet zho, hor co psilo bliaaḻ guiequie lo guidzliu ni bliaaḻ guilëë notsa ren. Gzoob ne teḻne glë guidzliu tsoṉ lal, dzigo masaque tib lala bnitlo, bnitlo grëse yag, grëse lo guizh nguia ne no low.