Ruth 2:2 - Bible Ni Thothup

² Me ga’ar Ruth ngak Naomi, “Mu pageg nggu wan nga milay’ nggu kunuy wom’ngin e barley nike pag girdi’en e maruwel ndar feked. Gu manang nra gu pir’eg reb e mo’on nra pageg nggu maruwel rok.” Me fulweg Naomi ni ga’ar, “Fakag, mman.”

Ruth 2:2 交叉參考

Genesis 32:6

Ma fa’ani sul fa pi’in ni l’oegrad Jakob, me lungurad, “Kug warod ngak walagem i Esau, ere be yib ni ngam mada’gow. Ma 400 e pumo’on ni yad be yib.”

Levitikus 19:10

Ma dab kum sulod nga fithik’ e woldug romed ni grape ngam kunuyed wom’ngin nda ni guy ngan t’ar ara mfeked e tin ni mul nga but’; ya ngam paged nge kay e girdi’ ni gafgow nge girdi’ u bang ni be par u fithik’med, ya Gag e SOMOL ni Got romed.

Levitikus 19:16

Dab mu tunguyed e thin ni murung’agen be’ ngu’um weliyed, ma fa’anra yibe pithig e oloboch rok be’ nra yan e pogofan rok ngay ma ngam nonod ni fa’anra tin ngam micheged e rayag ni nge ayuweg fa’anem. I Gag e SOMOL.

Levitikus 19:9

“Fa’an gimed ra kunuy wom’ngin e woldug romed ko yungi flang, ma dab mu th’abed e grain riy nge mada’ nga marichlen e yungi flang, ma dab mu sulod ngam th’abed tamal’gun e grain nike magey.

Levitikus 23:22

Fa’an gimed ra t’ar wom’ngin e woldug romed, ma dab mu th’abed e grain ni bay u marichlen e milay’ romed, ma dab mu sulod ngam th’abed e grain ni mpaged; ngam paged nge kay e girdi’ ni gafgow nge girdi’ u yugu boch e nam ni yad be par u fithik’med. I SOMOL e Got romed.

Ruth 2:3

Ma aram me yan Ruth nga daken e milay’ ngi i lek keru’ e pi’in yad be maruwel, ni aram e be kunuy wom’ngin e barley ni kan pag u but’. Me yan i puluw nga bangi milay’ ni fen Boaz.

Ruth 2:7

Be yog ngog ni nggu pag nge lek keru’ girdi’en e maruwel ngi i kunuy wom’ngin e barley. Ma ke maruwel ni kab kadbul ke mada’ ko chiney ma ke tal ni nge yan i gif buchu’uw nga naun u milay’.”

1 Samuel 1:18

Me ga’ar fare pin, “Mang e yigi felan’um ngog.” Ma aram me yan, me abich nike fel’ lanyan’.