Psalms 90:10 - Bible Ni Thothup

¹⁰ Ya kemus ni medlip i ragag e duw nap’mad, ra mada’ ko meruk i ragag ni fa’anra ba gel fithik’ i dowmad; machane oloboch nge magfan’ e be yib ngomad ko pi duw nem; dar n’uw nap’an e yafos me m’ay, ma gamad chuw.

Psalms 90:10 交叉參考

Genesis 47:9

Me ga’ar Jakob, “Ke gaman e 130 e duw nap’an ni gu milekag ko biney e tamilang. De yo’or e duw ma de mom e tin ni yib ngog riy, de ta’reb rogon ko pi duw ni ba’aram ni i milekag e pichitamag ni kakrom riy.”

Genesis 6:3

Me ga’ar SOMOL, “Dab gu tay e girdi’ ngar pired ni yad bfos ndariy n’umngin nap’an, ya dowrad e ra yim’. Chiney i yan nga m’on e dab kur pired ni yad bfos nge pag 120 e duw yangarrad.”

2 Samuel 19:35

Ke meruk i ragag e duw rog, ma dakuriy adagen lanin’ug ma dab kug nang lamen e tin ni bay ug way nge tin ni bay ug garbod ngay, ma dabkiyag ni gu rung’ag laman e pi’in yad be tang. Ra gu par ni kug mang reb e magawon ngom.

2 Samuel 19:36

Dariy rogog ni nga ni pi’ e binir e fel’ rogon ngog. Ere bay gu un ngom ngad mada’gow nga ba’nem e Jordan.

1 Kings 1:1

David ni Pilung e yan i par ni kari pilibthir, ni yira guluguluy, ma der chuw e ulum rok.

BABYOR NI JOB 14:10

Ba girdi’ e ra yim’ ma kemus e yafos rok aram; ra yim’ ma aram e ke yan ngan?

BABYOR NI JOB 20:8

Bayi m’ay ngabang ni bod ba lik’ay, ni bod nni pilyeg e changar rok be’ nge guy ban’en nnep’, ma dab kuniguy bi’id.

BABYOR NI JOB 24:24

Bochngiyal’ e ma fel’ rogon fa en kireb, machane me mororoy ni bod bake pan, ara bod ba kenggin e grain ni ka ni th’ab nga but’.

BABYOR NI JOB 5:7

Gathi aray rogon! Girdi’ e ir e ma girengiy e gafgow nga daken, ni bod rogon k’affin e nifiy ni thay ngalang u ba nifiy.

Psalms 78:39

Me yib ngan’ ni yad e kemus ni yad e girdi’, ni yad bod e nifeng ni thow me m’ay.

Isaiah 38:12

Ya yafos rog e kan th’ab kemus, ni bod ba tent ni kan pilig nga but’, ni bod e mad ni kan th’ab ko fare n’en ni yima lifith e mad riy. Gu leamnag nike museg Got e yafos rog.

Luke 12:20

Machane me ga’ar Got ngak, Ri gab balyang! Neap’ ney e ra aw e fan rom; me mini’ e bayi fek urngin e pin’ey ni kam tay ni fan ngom?”

Deuteronomy 34:7

Moses e 120 e duw rok ko ngiyal’ ni yim’, ni kayigu chirogon gelngin ma kab m’uth owchen.

James 4:14

Ma mus ko n’en ni bay yib ngomed gabul ma da mu nanged! Ya gimed bod bochi yang i ath ni sum ko garbeb, ni yib i m’ug ma de n’uw nap’an me m’ay nga bayang.

Joshua 14:11

ma ka rogon fenag gel e chiney e ku bod rogon e ngiyal’ ni ba’aram ni l’oegeg Moses nggu waen ni damit. Ku gub gel ni ku rayag ni ngu’un ko mael ara demturug e mit i n’en.