Psalms 69:20 - Bible Ni Thothup

²⁰ Thin ni kireb ni yibe yog ngog e ke kireban’ug ngay, ma kug par ndabiyag ni gu ayuwegneg. Kug finey ni mang e runguyeg be’, ma dariy be’ nike runguyeg; ara be’ ni nge fal’eg lanin’ug, ma da gur pir’eg be’ nra rin’.

Psalms 69:20 交叉參考

Psalms 123:4

Kay gi n’uw nap’an nike moning nagmad e pi’in bo’or ban’en rorad nge pi’in yad be changar ngomad nga but’ ni bogi kireb nib tolangan’rad.

Psalms 142:4

Gu ra changar u chireg, mug guy ndariy be’ nra aywegeg, dariy be’ nra yoror rog. Dariy be’ nra magfan’ ngog.

Psalms 42:10

Kug parde’ ko thin nib kireb ni be yog e pi to’ogor rog ngog, ya kar pired ni yad be fith ngog ni be lungurad, “Bu uw e Got rom?”

Psalms 42:6

Kari kireban’ug u roy ko gin’ey ni gathi nam rog; ma aram me sulan’ug ngak. Ir e ke pi’ e pi n’ew ko gafgowan’ nga lanin’ug; be kumong lingan i yib ngog ni bod e sugbur, bod e pi thang’el ni ba dirra’ lingan ni be aw ngalan e lul’ ni Jordan ni be yib ko Burey nu Hermon nge Burey nu Mizar.

Isaiah 63:5

Ggin ngay ni gu sap ma dariy be’ ni nge ayuwegneg. Machane damumuw rog e gel nigeg mu gu gel ngorad.

Matthew 26:56

Machane urngin e pin’ey ma ke yodoroy ya nge m’ug nriyul’ e tin ke yoloy e profet u lan e babyor nib thothup.” Ma urngin fa pi’in gachalpen nra paged ngar milgad rok.

Mark 14:37

Me sul ngak fa dalip i gachalpen me pir’egrad ni yad be mol, me ga’ar ngak Peter, “Simon, mog, kam mol? Dabiyag ni ngam par ta’reb e awa ni ga be od?”

Mark 14:50

Ma aram ma urngin fa pi’in gachalpen miyad pag ngar milgad.

John 12:27

“Chiney e ke magaf lanin’ug — susun e mang e nggog? Gur nge lungug, ‘Chitamag, dab mpag e re awa ney nge yib ngog’? Machane aray fag ni ku gub, bochan e nggu mada’nag e gafgow ni bay u lan e re awa ney.

John 16:32

Bay ba ngiyal’ ni bay yib, nike taw e chiney, ni ireram e ngiyal’ ni bay mu wergad, nge bigimed me yan nga tafen, mi gimed pageg nggu par ni go’ gag. Machane gathi go’ gag ni bay gu wan gu par, ya en ni Chitamangiy e bay rog.

Hebrews 11:36

Ma boch i yad e un moningnag ma yibe toy, ma boch i yad e ni m’ag nga nin’ nga kalbus.