Psalms 68:16 - Bible Ni Thothup

¹⁶ Burey ni yo’or p’ebugul mang ni ga be thinthin’an ko fare burey nike mel’eg Got ni nge par riy ndariy n’umngin nap’an.

Psalms 68:16 交叉參考

1 Kings 9:3

Me ga’ar SOMOL ngak, “Ku gu rung’ag e meybil rom. Re Tempel ney ni kam toy e ku gu tay nike mang Tempel rog ni ngu’un meybil ngog riy ndariy n’umngin nap’an. Bay ug matanagiy ma gu be yoror riy ni gubin ngiyal’.

Psalms 114:4

I og e pi burey ni bod e kaming; me tim’og e yochi burey ni bod pifak e saf.

Psalms 114:6

Gimed e pi burey, mangfan ni mu oggad ngalang ni bod e kaming? Gimed e yochi burey, mangfan nim titim’oggad i yan ni bod pifak e saf?

Isaiah 2:2

Tin bayib e rran nga m’on e re burey ni bay e Tempel riy e bayi par ni ir e th’abi tolang u fithik’ gubin e burey, nge m’ug ngalang u fithik’ gubin e burey. Pire’ e nam ni bay rabad ngay,

Deuteronomy 12:11

I SOMOL e bayi turguy bang ni aram e gin ni ngu’um liyorgad riy ngak, mu rom e ngam feked i yib ngak urngin ban’en ni kugog ngomed; pi maligach romed ni ngan urfiy nge yugu boch e maligach, nge ragag e pasent ko pin’en ke yag ngomed, nge pi tow’ath nib mal’eag ni kam micheged ngak SOMOL ni ngam pi’ed ngak.

Deuteronomy 12:5

Gi nam ni bayi par e pi ganong romed riy e bayi turguy SOMOL bang riy ni ir e ngu’um mu’ulunggad ngay ngam ted fan SOMOL mi gimed meybil ngak.