15 Mange yigi dada’ e pi’in yad be moning nigeg ma kar waergad!
Mang e yigi urngin e pi’in yad be fananikay yu Zion e ra waergad min tulufrad.
Yad ma t’ar e thin nga dakenag, ngu’ur tolulgad ni yad ma ga’ar, “Kug guyed e n’en ni ka mu rin’!”
Dab mpagrad ngar ga’argad ngorad, “Aha, kari yag fiti lanin’dad! Ya kad thanged e pogofan rok!”
Mang e yigi waer me wagagay lanyan’ e pi’in yad be felan’ ko gafgow ni kug tay; Mang e yigi polo’ i tamra’ me ma’fan e pi’in yad be yog ni yad bfel’ boch ngog.
Nthang owcherad u lan ta’ab talab; wenegan ni yib ngorad ko tomur e gafgow nib gel!
