Psalms 119:9 - Bible Ni Thothup

⁹ U rogon be’ ni ka ba pagel ni nge par e yafos rok nib machalbog? Ngi i fol ko tin kamog ni ngan rin’.

Psalms 119:9 交叉參考

2 Kronicles 6:16

Ere chiney SOMOL ni Got nu Israel, mu tay nga tagil’ fa bug nem e thin ni mog ngak e chitamag ni ga ra rin’ nap’an ni lungum ngak e gubin ngiyal’ ma reb e pi’in owchen e bayi gagiyeg ni pilung u Israel, ni fa’anra yad be fol ko Motochiyel rom ni bod ni rin’ David.

BABYOR NI JOB 1:5

Nap’an ni yad ra mu’u reb e mur me reb e rran riy nri kab kadbul me od Job nge li’ e gamanman nge pi’ ni maligach ngak Got ni fan e nge n’ag Got fan e denen rok pifak ngar machalboggad. Gubin yay ni i rin’ ni aray rogon, ya be leamnag nrichey ma ke denen bagayad ni gomanga keyog bbugithin nib tagan ngak Got, ni gathi ri aram rogon ni leamnag.

BABYOR NI JOB 13:26

Ka mu tay nga babyor urngin e kireb rog, ni mus ko pin’en ni u gu rin’ ni ku gub pagel.

Psalms 119:11

Gu be chubgiliy e motochiyel rom u lan gumircha’eg, ya nge dab gu denen nib togopluw ngom.

Psalms 17:4

ni bod nma rin’ boch e girdi’; ma gu ma fol ko motochiyel rom ma dagur lek kanowa’en e pi’in yargal.

Psalms 25:7

Mu n’ag fan u wun’um e pi denen rog nge tin ug oloboch riy ko ngiyal’ ni ku gub pagel; SOMOL, dab mu pag tilig, ya ga ba gol ma t’ufeg rom e dabimus!

Psalms 34:11

Mired, pifakag, ngam telmed ngog, nggu fil ngomed ni ngu’um pired ni bay madgun SOMOL u wun’med.

Proverbs 1:10

Fakag, ra yib e girdi’ ni tadenen ra meliyed gur nga ban’en nib kireb, ma dab mupagem ngorad.

Proverbs 1:4

Ppi thin ney e rayag ni nge ayuweg e pi’in ndawori yo’or ban’en nike guy nge tamilangan’rad, me fil ngak e pi’in pagel rogon ni ngu’ur gonopiyed ban’en.

Proverbs 2:11

Nangan’ rom nge tamilangan’ e ra yororiyem

Proverbs 4:1

Pifakag, mmotoyilgad ko machib ko chitmangimed. Mu fal’eged e motoyil, mra tamilangan’med.

Proverbs 7:7

mu gguy bo’or e pagel nder nanged fan bo’or ben’en, mu gguy bagayad nrib balyang.

Eklesiastes 11:9

Girdi’ nike taw nga yangren, mu felfelan’gad nga yangarmed. Mu felfelan’gad e chiney nike taw nga gelingmed. Mu rin’ed e n’en ni gimed ba’adag ni ngam rin’ed, mi gimed lek fiti lanin’med. Machane dabi m’ay u wun’med ni Got e ra pufthin nagmed ko tin gimed be rin’.

Luke 15:13

Ma in e rran nga tomuren me pi’ e cha’ nib bitir rok fa gal i nem ni fak e birok’ e f’oth nchuway’, me fek e salpiy riy me pag e tabinaw rorad nge yan. Me yan ngabangi nam nib mal’af, me par u rom ngi i adbey e salpiy rok ko ngongol nib kireb.

John 15:3

Ma gimed e kan mu’ i tamilangnag owchemed, ni aram e kam be’echgad ni bochan fapi thin ni kug weliy ngomed.

Deuteronomy 17:18

Ma nap’an nra mang pilung, ma thangri yoloy ngalan bake babyor fapi motochiyel rok Got nge pin’en ni i fil Got ngak e girdi’ rok. Pi motochiyel ney e nge fek ko fa ken nem e babyor nth’abi som’on, ni bay rok fapi levitical prist.

2 Timothy 2:22

Mu tem u orel ko tin nma ar’arnag e pi’in pagel, ma ga nameg e tin nib mat’aw, mu um athamgiliy ngu’um par nib mich Kristus u wun’um, ma ba t’uf Got rom nge girdi’, ma ba gapas lanin’um ngam un ngak e pi’in yad ma wenig ngak Somol u fithik’ e leam nib machalbog ni nge ayuwegrad Somol.

Joshua 1:7

Machane mu par ni gab gel, mar dab mu rus, ma ngam guy rogon ni ngu’um fol u urngin fapi Morochiyel ni pi’ e tapigpig rog i Moses ngom. Dab mpag bochiyang riy ma aram e demturug e gin’en ni ga ra yan ngay ma rayag rom e tin ga be muruwliy.