Psalms 10:8 - Bible Ni Thothup

⁸ Yad ma mith u lan e binaw i yan, ni yad ma son ni ngar thanged e fan rok e pi’in dariy ban’en ni kar bucheged. Yad ma mith ngu’ur damit naged e pi’in dabiyag ni ngar ayuwegedyad;

Psalms 10:8 交叉參考

2 Kings 21:16

I Manasseh e thang e fan rok bo’or e girdi’ ndariy ban’en ni kar bucheged, nge sugnag e racha’ rorad daken e yupa’ i kanawo’ nu Jerusalem ni be yan ni lul’; i rin’ e ran’ey nge cheg ko girdi’ nu Judah ni waliyrad ngu’ur tedfan yug boch e got, ni aram tapgin miyad denen nib togopluw ngak SOMOL.

BABYOR NI JOB 24:14

Ra puf e woch me od e en ma thang e pogofan nge yan ni nge thang e fan rok e gafgow, me nep’ me moro’ro’.

Psalms 17:11

Kar chalngobiyedgag e chiney, u gubin yang ni gu ra cheal ngay, ni yad be changarnag rogon ni ngar girngiyedgag nga but’.

Psalms 94:6

Yad be thang e fan rok e pi’in ke yim figirngirad nge pi’in kanim’ rorad, ma yad be thang e pogofan rok e milekag ni yad be par u daken e but’ romad.

Proverbs 24:15

Dab mbod be’ nib kireb nma guy rogon ni nge mro’ro’ ko girdi’ ni yul’yul’ ara fek e tabnaw rorad u pa’rad.

Jeremiah 22:17

Machane gur e kemus ni tin ni bfel’ ngom e ga ma guy; um thang e fan ko girdi’ ni dariy ban’en nike bucheg mu’um gafgownag e girdi’ rom nib almirin. I SOMOL e be non.

Habakkuk 3:14

Pi gan e gat’ing rom e aw ngak e en tagafaliy e salthaw rok ko fa ngiyal’nem nrabad ni bod ba yoko’ ni ngar wereged gamad, ni yad be migrig ni bod e pi’in yad ma chuchuy nga but’ e pi’in gafgow ni yad be rin’ nib mith.

Luke 10:1

Tomuren e biney me mel’eg Somol yugu boch e girdi’ ni medlip i ragag nge l’agruw i pumo’on me l’oegrad ngranod ni yad lal’agruw, ni ngar m’onod rok ngranod ngalan urngin e binaw nge yungi n’en ni be n’en ni nge yan ngay.

Luke 8:1

Ma de n’uw nap’an me milekag Jesus i yan u lan e pi binaw ni ba ga’ nge pi binaw ni ba’achig, ni be machibnag ngak e girdi’ e Thin Ni Bfel’ ni murung’agen e gagiyeg rok Got. Me un fare ragag nge l’agruw i gachalpen ngak ngranod,

Judges 9:25

Pi pumo’on nu Shekem e ra ted bochiyad nga p’ebgul e pi burey ni ngar oggad ku Abimelek, ma ku yad be og ko pi’in yad be yan u rom ngu’ur feked e tirorad u yargal. Minog e pin’ey ku Abimelek.

1 Samuel 22:18

Ma aram me ga’ar Saul ngak Doeg, “Mu thang e fan rorad!” — me thang Doeg e fan rorad ni yad gubin. Rofen nem e thang e fan rok meruk i ragag nge lal e prist ni kar tayon’ed e mad ni efod.

1 Samuel 23:23

Mu gayed ngam pir’eged e yungi n’en nriyul’ ni i mith riy, ma dabisiy ni ngam fulweged e thin riy ngog ni papey. Ma aram e bay gu un ngomed, ma fa’anra kabay ko gi nug nem, ma bay gu tuluf nggu kol, ndemturug rogon machane gu ra gey u lane e re nam nem nu Judah ni ga’ngin.”