Numbers 9:22 - Bible Ni Thothup

²² Demturug ko l’agruw e rran, fa reb e pul, ara reb e duw, ma n’umngin nap’an ni be par fa gi manileng u daken fare Tent ma aram e ka be par piyu Israel ko fa gin’em; machane nap’an nra muf ngalang miyad milekag.

Numbers 9:22 交叉參考

Psalms 107:7

Ya pow’iyrad u ba kanawo’ nib k’iy, nga bbinaw ni ir e ngar pired riy.

Psalms 143:10

I gur e Got rog; mu fil ngog rogon ni nggu rin’ e tin nib m’agan’um ngay. Mu gol ngog, ma ga pow’iyeg ko kanawo’ nib pach.

Psalms 32:8

Be ga’ar SOMOL, “Bay gu fil ngom e kanawo’ ni ir e ngam man riy; bay gog ngom e tin ngam rin’ ma bay gu fonow nigem.

Psalms 48:14

“Re Got ney e Got rodad ni manechibog ko pichibog, i Ir e bayi pow’iydad e chiney i yan ngaram.”

Psalms 73:24

Ga be pow’iyeg ko fonow ni ga be tay ngog, ma tomur e bay mu fekeg nga fithik’ e fla’ab ni aram e ka mu tolang nigeg.

Psalms 77:20

Ga be gafaliy e girdi’ rom ni bod ba tagafaliy e saf, ni Moses nge Aron e ga’ rorad.

Exodus 39:42

Piyu Israel e kar mu’ niged urngin e pi maruwel ney ni bod rogon nike yog SOMOL ngak Moses.

Exodus 40:16

I Moses e rin’ urngin e tin ni yog SOMOL ni nge rin’.

Numbers 1:54

Aram me rin’ e girdi’ nu Israel gubin ban’en nike yog SOMOL ngak Moses.

Numbers 8:20

Ma aram e Moses, nge Aron, nge urngin e girdi’ nu Israel e rrin’ed gubin fa pin’em ngak e pi Levite nri bod rogon ni yog SOMOL ngak Moses ni ngan rin’ ngorad.

Numbers 9:17

Ma nap’an nra langlang e re gi manileng nem u daken fare Tent ngalang, me pug piyu Israel e pi Tent rorad ngar milekaggad, ma nap’an nra sul nga but’, miyad n’uf e pi Tent rorad bayay.

Numbers 9:21

Ba’ yu ngiyal’ nma par e gi manileng nem ni kemus ni blayal’ nge yan i mada’ ko kadbul, ma fa’ani muf ngalang miyad milekag. Demturug ko rran ara nep’ ma yugu ra muf fare gi manileng u daken fare Tent ngalang, miyad milekag.

Acts 1:4

Ma fa’anra mu’ulunggad, me yog ngorad e n’en ni ngar rin’ed ni ga’ar, “Dab mu chuwgad u Jerusalem, ya ngam son niged fare tow’ath ni yog e Chitamag ni bayi pi’, ni ir faram e kug weliy murung’agen ngomed.