Numbers 35:30 - Bible Ni Thothup

³⁰ Be’ ni kan oloboch ngak nike li’ be’ ke yim’ e rayag ni ngan duwgiliy nib buch e rok min li’ nge yim’ ni kemus fa’anra micheg l’agruw fa dalip e girdi’; ma dab ni fanay ni fa’anra ta’abe’ e nge micheg nib buch e rok fa en ke cham.

Numbers 35:30 交叉參考

Exodus 21:12

“En nra li’ be’ nib mo’on nge yim’ e ku yira thang e fan rok.

Levitikus 24:17

“En nra li’ be’ nge yim’ e ku ran li’ nge yim’.

Numbers 35:16

“Fa’anra fek be’ talin e cham ni wasey fa malang fa ba ley i ren nge li’ be’ nge yim’, mab buch e rok ya ke thang reb e pogofan ma yira li’ nge yim’.

Numbers 35:31

Cha’ nra li’ be’ ngem’ e thingar ni thang e iip pogofan rok. Dabiyag ni nge thay ko gechig ni fa’anra salpiy e nge pi’ ni puluwon.

Matthew 18:16

Ma fa’anra dabi fol rom ma ga fek ta’abe’ fa l’agruw ni’ ngar unew ngom, ya nge urngin e tin kamog nike rin’ nib togopluw ngom ma nge yag ni micheg l’agruw fa dalip ni’, ni bod ni be yog e babyor nib thothup.

John 7:51

“Rogon yalen ko Motochiyel rodad e dabiyag ni ngad dugliyed e gechig rok be’ u m’on ndawor ni pufthinnag ngan pir’eg e n’en nike bucheg.”

2 Korinth 13:1

Yane’ e ra gaman e dalip yay ngay ni nggub gguymed. “Ra nog nike bucheg be’ ban’en ma thingar ni micheg ko mich nike pi’ ruw ni’ ara dalip ni’ ” — ni bod rogon nike yog e babyor nib thothup.

Deuteronomy 19:15

“Ta’reb e girdi’ ni nge mang mich e de gaman ni nge micheg be’ nike ngongliy ba pa’ i oloboch, ra nge lich ma l’agruw e girdi’ ni ngar mangew mich, ni ngar michegew nib kireb e rok be’ u ba pa’ i oloboch.

Deuteronomy 27:24

“‘Nge bucheg Got wa’athan e en nra thang e fan rok be’ nib mith.’ “Me fulweg e girdi’ ni gubin ni lungurad, ‘Amen!’

1 Timothy 5:19

Dab mmotoyil ko tin kanog nib togopluw ngak be’ nib ilal ko galesiya ni fa’anra de yib i yog l’agruw ara dalip e girdi’ ni yad e mich riy.

Hebrews 10:28

En nder ma fol ko Motochiyel rok Moses e yima li’ ngem’, ndanir ma runguy ko ngiyal’ nike m’ug nib kireb e rok ko mich nike dag l’agruw e girdi’ ara dalip.

Revelation 11:3

Bay gu l’oeg l’agruw ni’ ni ngar weregew murung’ageg ni ka ron’ew e mad ntutuw; ma bay ra weregew e thin rok Got u lan ragag nge l’agruw mir’ay nge nel’ i ragag e rran.”