Numbers 3:36 - Bible Ni Thothup

³⁶ Yad e kan pagfan ngorad e maruwel ni fen fa yungi chayam ko fare Tent, nge dubchey riy, nge rumog, nge pi ta’ riy, nge gubin e ayal riy. Yad e ba milfan ngorad gubin e maruwel nib l’ag rogon ko pin’ey.

Numbers 3:36 交叉參考

Exodus 26:32

Min they’ fare gi kateng ko fapi lam nib gol ni bay u p’ebugul aningeg ley i rumog riy nni ngongliy ko gek’iy ni acacia ma kan ing ko gol ni kan ayliy nga daken aningeg i ayal riy nib silber.

Exodus 26:37

Min ngongliy lal ley i ren ko gek’iy ni acacia ni fen e re gi kateng nem mi gimed ing ko gol, ma kam ted bogi lam nib gol nga taban e pi yuley i ren nem; mi gimed ngongliy lal yang e wasey ni bronze ni ayal ko yuley i ren nem.

Exodus 35:11

ni aram fare Tent, nge upong riy, nge pi lam riy nge pi chayam riy, nge pi ralap riy, nge pi rumog riy nge pi ayan;

Exodus 35:18

nge pin’en ni yuluy ko fare Tent nge gufan fare Tent, nge rungrung riy;

Exodus 36:36

Ra ngongliyed aningeg ley i rumog ko gek’iy ni acacia ni ngan the’ fagi kateng ngay, miyad ing ko gol; min the’ ko pi lam riy ni gol. Ma aram miyad ngongliy aningegi e ayal ni nge kol e pi rumog riy.

Exodus 39:33

Ra feked fare Tent i yib ngak Moses nge gubin tatalin, fapi lam, pi chayem, pi dubchey, pi rumog, nge pi ayal riy,

Numbers 3:35

Re ke girdi’ ney e ngu’ur n’ufed e pi Tent rorad u ba’ ni lel’och ko fare Tent, ni Zuriel nib mo’on ni fak Abihail e ir e mitethin ko ra ke girdi’ ney.

Numbers 3:37

Ma ku yad e ngki milfan ngorad e yuley i rumog, nge pi ta’ riy, nge pi yuluy riy u but’, nge pi tal ni fen e ba’ ni wuru’ e yoror.

Numbers 7:8

ma aningeg e wagon nge meruk e garbaw ni pumo’on ngak e girdi’ ni owchen Merari. Urngin e pi maruwel ni ngu’ur ngongliyed me Ithamar nib mo’on ni fak Aron e ngi i yog rogon ngorad.