Numbers 26:54 - Bible Ni Thothup

⁵⁴ Yungi binaw nib ga’ yang e nge fanay e pi ganong nib yo’or girdi’en, ma yungin ba’chig e binaw e nge fanay e pi ganong nib lich girdi’en; ra reb e pi ganong nem ma nge yag ngak e binaw nib m’ag ga’ngin nga urngirad.

Numbers 26:54 交叉參考

Numbers 26:53

“Ngam f’oth e binaw u daken e pi ganong nem, nib m’ag ga’ngin nga urngirad.

Numbers 32:3

“Re gin’ney nike ayweg SOMOL yu Israel kar pired ngay — ni pi binaw nu Ataroth, Dibon, Jazer, Nimrah, Heshbon, Elealeh, Sibmah, Nebo, ngu Beon — e bfel’ ko chugol gamanman, ma gamad e bo’or e gamanman romad.

Numbers 32:5

Ere wenig ngomed, mpi’ed e giney e but’ nge milfan ngomad, ma dab mu tawasargad ngomad ni nggu th’abed e Lul’ nu Jordan nga ba’nem nggu pired riy.”

Numbers 33:54

Mu f’othed e binaw u daken e pi ganong nge yuke girdi’ ni rogon nike gagyel ko pow ni ka mu girengiyed, ni gin baga’ e binaw e nge yan ko ken nib ga’ e girdi’ ma gin ba’chig e nge yan ko ke girdi’ nib achig.

Numbers 35:8

Urngin e binaw ni nge tafnay e pi Levite ni nge pi’ reb e ganong nge reb e be yan u rogon ga’ngin e binaw rok reb e ganong nge reb.”

Joshua 17:14

Me ga’ar e pi’in owchen Josef ngak Joshua, “Mangfan ni kemus ni ta’bang ko fare gi binaw e kam pi’ ngomad ni nggu tafned? Gamad ba yo’or ni bochan e ke fal’eg SOMOL wa’athmad.”

Joshua 19:9

Bang ko fa gi binaw nni pi’ ngak Judah e ni pi’ ngak fare ganong rok Simeon ni bochan e kay gi ga’ yang e binaw rok Judah kar gaman gad riy ke aw.