Numbers 22:18 - Bible Ni Thothup

¹⁸ Me fulweg Balaam ni ga’ar, “Ra pi’ Balak ngog urngin e silber nge gol ni bay u naun rok, ma dabiyag ni nge dab gu fol ko thin nike yog SOMOL ni Got rog ni mada’ ko tin ba’achig ban’en ma gu ra fol riy.

Numbers 22:18 交叉參考

1 Kings 13:8

Me fulweg fare profet, “Ku fa’anra mang e ga ra pi’ ngog baley ko fla’ab rom, ma ku dab gu un ngom ara guwa’ ganam fa gu unum ban’en u tafnam.

1 Kings 22:14

Me fulweg Mikayah ni ga’ar, “Rogon feni riyul’ ni be par SOMOL nib fos, e rogon nra yog ngog e aram rogon ni nggu weliy.”

2 Kronicles 18:13

Machane me fulweg Mikayah ni ga’ar, “U fithingan SOMOL ni be par nib fos e gu ra yog e n’en ni be yog e Got rog ngog!”

BABYOR NI JOB 3:15

Mu gu mol ni bod e pi’in pifak e pilung ni kar suguyed e pi naun rorad ko gol nge silber,

Daniel 5:17

Me fulweg Daniel ni ga’ar, “Mu tay rom e tow’ath rom. Mpi’ ngak yugu be’. Machane bay gu be’eg ngom i gur pilung e tin kan yoloy mu gu weliy fan ngom.

Numbers 22:19

Machane wenig ngomed mpired u roy e nep’ ney ni bod ni rin’ fa tinem e girdi’, ya ngug guy ko ra yog SOMOL yugu ban’en ngog fa dangay.”

Numbers 22:38

Me ga’ar Balaam, “Ku gub, machane dariy gelngig ni nggog ban’en. Kemus ni thin ni bayi tay Got nga l’ugunag e ir e bay gog.”

Numbers 22:8

Me ga’ar Balaam ngorad, “Mpired u roy e nep’ ney, me gabul mu gog ngomed e tin nike yog SOMOL ngog.” Me par fa pi’in yad ma yog e thin u Moab rok Balak.

Numbers 23:26

Me fulweg Balaam ni ga’ar, “Gathi gog ngom faram nthingar gu rin’ urngin e tin keyog SOMOL ngog?”

Numbers 24:12

Me fulweg Balaam ni ga’ar, “Gog ngak fa picha’ ni mol’oegrad ngarbad ngog,

Numbers 24:13

ni mus ni fa’an ga ra pi’ ngog urngin e silber nge gol ni bay u tabinaw rom, ma SOMOL ku ir e gu ra fol rok. N’en ni kug weliy e rrogon nike yog ngog.”

Acts 8:20

Machane me fulweg Peter ngak ni ga’ar, “Gur nge salpiy rom e ngam marow nga fithik’ e nifiy, ni fan e ga be leamnag nrayag ni ngam chuw’iy e tow’ath rok Got ko salpiy!

Titus 1:16

Yad be yog ni yad manang Got, machane be m’ug u pangirad ndar nanged Got. Ma dabuy pangirad ma darir folgad, ma dabiyag ni ngar ngongliyed ban’en ni bfel’.

Joshua 24:10

Machane da gu telig ngak Balaam, ma aram me yibilaymed ni nggu ayuwegmed, mu gu ayuwegmed u pa’ Balak.