33 Mi ni fek i yan ngak Moses, nge Aron, nge gubin piyu Israel.
Ma ga pagrad ngu’ur pithiged e oloboch u puluwon e girdi’ ni gubin ngiyal’. Yu pa’ i oloboch nib ga’ ma ba mo’maw’ e ngar feked i yib ngom, machane yad e ngar pithiged urngin e yoch pa’ i oloboch. Ya ngar uned ngom i chibiy gilbam nge mom ngom.
Nap’an ni bay e girdi’ nu Israel u daken fagi ted, me reb e Sabbath mi ni pir’eg be’ nib mo’on ni be kunuy e l’ud.
Mi ni tay e matnag rok facha’ ni bochan e dawori tamilangan’uy ko n’en ni ngan rin’ ngak.
