Numbers 14:6 - Bible Ni Thothup

⁶ Mi Joshua ni fak Nun, nge Kaleb ni fak Jefunneh, ni yow l’agruw fapi damit e ra guchthuyew e mad rorow ni bochan e kari kireban’row,

Numbers 14:6 交叉參考

Genesis 37:29

Ma fa’ani yib Ruben ko fare low, me pir’eg nde moy Josef u rom, me guchthuy e mad rok ni aram e ke dag e kireban’ nike tay.

Genesis 37:34

Me guchthuy Jakob e mad rok me bachiy bangi mad ni yima fanay ko tutuw nga lukngun ni aram e ke dag gelngin e kireban’ nike tay. Ma ba n’uw nap’an ni i par nib kireban’ ma be yornag fak.

Genesis 44:13

Miyad guchthuy e mad rorad nike kireban’rad, miyad chugum nga daken e dongki rorad miyad sul ngalan binaw.

2 Samuel 3:31

Ma aram me yog David ngak Joab nge pi salthaw rok ni ngar guchthiyed e mad u dakenrad, ngar chuwgad ko mad ni tutuw, ngar yor niged Abner. Ma nap’an e yan nga taliw ko gum’eyag me David ni Pilung e lek taban fare kahol ko yam’.

2 Kings 18:37

Me guchthuy Eliakim nge Shebna nge Joah e mad rorad ni bochan e kari kireban’rad, miyad yan nga rogned ngak Hezekiah ni Pilung e thin nike yog fare pilungen e salthaw nu Assyria.

1 Kronicles 7:27

Nun, Joshua.

BABYOR NI JOB 1:20

Me sak’iy Job nge guchthuy e mad rok ni kari kireban’. Me suruy e piy u chugen nge m’ay me paraw nga but’.

Numbers 13:30

Me yog Kaleb ngak e girdi’ ni yad be non nib togopluw ngak Moses ni ngar th’abed gulungrad, me ga’ar, “Susun e ngad m’aged e mael ngorad e chiney ngad feked e re nam nem; ya rayag rodad.”

Numbers 14:24

Machane tapigpig rog i Kaleb e ba thil e birok e leam ma ke par nib yul’yul’ ngog, ere bay gu fek i yan ngalan e re nam nem nike yan i lekag, ma pi’in owchen e bay ra tafned,

Numbers 14:30

Gu micheg ni bay mmarod mpired ngay, machane dakuriy bigimed nra yan ngay ya kemus ni Kaleb nge Joshua.

Numbers 14:38

Machane Joshua nib mo’on ni fak Nun nge Kaleb nib mo’on ni fak Jefunneh e yow e darm’ow u fithik’ fapi pumo’on npi’rad ni ngar damit niged fare nam.

Numbers 14:5

Me paraw Moses nge Aron nga but’ u p’eowchen urngin e girdi’ nu Israel.

Numbers 14:7

me lungurow ngak e girdi’, “Fare nam ni gu warod gu lekged e ba nam nrib fel’.

Matthew 26:65

Ma fa’ani rung’ag fare Prist ni Th’abi Ga’ e ren’ey me guchthuy e mad rok me ga’ar, “Ke darifannag Got! Dakuriy fan ni ngki yib boch e girdi’ ngar pi’ed e mich rorad! Ya ka fin mu rung’aged faram e thin nike yog nib kireb!

Mark 14:63

Me guchthuy fare Prist ni Th’abi Ga’ e mad rok, me ga’ar, “Dakuriy fan ni ngki yib boch e girdi’ ngar pi’ed e mich rorad!

Acts 14:14

Ma fa’ani rung’ag Barnabas nge Paul murung’agen e n’en ni nge rin’ e pi cha’nem, miyow guchthuy e mad rorow ngar milgow i yan nga fithik’ fapi girdi’ ni aram urngirad, ni yow be non ni ba ga’ lamrow ni be lungurow,

Joshua 14:6

Me reb e rran me yib boch e girdi’ ko ganong rok Judah ngak Joshua nga Gilgal. Bagyad e Kaleb nib mo’on ni fak Jefunneh ni reb e Kennizzite, me ga’ar ngak, “Gamnang e n’en ni yog SOMOL u Kadesh Barnea ni murung’agdow ngak Moses, ni fare mo’on ni girdi’ rok Got.

Joshua 7:6

Me Joshua nge pi’in yad ma yog e thin u Israel e go’ ra guchthiyed e mad rorad u fithik’ e kireban’, miyad pagrad nga but’ u mit fare Kahol ko M’ag rok SOMOL, miyad par u rom u but’ nge mada’ ko blayal’, ni kar afed e ab nga daken lolgurad ni yad be dag gel’ngin e tagnan’ rorad.

Judges 11:35

Ma nap’an ni guy fa chipin, me guchthuy e mad rok ni gelngin e kireban’ rok me ga’ar, “Ah, fakag! Karim kirebnag lanin’ug! Mangfan nri gur e ngam k’aring e amith nga lanin’ug? Kug ngongliy ba m’ag ni kug micheg ngak SOMOL, ni dabkiyag ni nggu sulweg!”