Numbers 13:23 - Bible Ni Thothup

²³ Marbad ko fare Loway ni Eshkol, mar th’abed ba pa’ i pa’ngin e grape u rom ni ta’ab punug wom’ngin, machane rib ga’ ma rib tomal, ya l’agruw e pumo’on nra mat’egew ngar fekew. Mu ku ra feked i yib boch i wom’ngin e gek’iy ni pomegranate nge fig.

Numbers 13:23 交叉參考

Genesis 14:13

Machane bay be’ nib mo’on ni thay me yib i yog ngak Abram ni ba Hebrew nma par nib chugur nga yu ke gek’iy ni oak ni fi’in Mamre, ma cha’nem e ba Amorite, nib mo’on ni walagen Eshkol nge Aner, ni yad Abram nga baraba’.

Numbers 13:24

(Re gin’em e ntunguy fithingan ni Loway ni Eshkol ni bochan fare punug i wom’ngin e grape ni th’ab fapi girdi’ nu Israel u rom.)

Numbers 32:9

Mranod i yan nga talang ko Loway nu Eshcol miyad guy fare binaw, machane fa’anra sulod, miyad l’uf lanyan’ e girdi’ ko yan ko fare binaw nike pi’ SOMOL ngorad.

Deuteronomy 8:8

ni ba nam ni be tugul e woldug ni wheat riy nge barley, nge grape, nge fig, nge pomegranate, nge olive, ma ku bay e honey riy.

Judges 16:4

Tomuren e biney me adag Samson reb e bpin nma par u lan fare loway nu Sorek, ni Delilah fithingan e re pin nem.