Numbers 12:3 - Bible Ni Thothup

³ Mi Moses e be’ nrib sobut’an’, ni ir e th’abi sobut’an’ u fithik’ e girdi’ nu fayleng.

Numbers 12:3 交叉參考

Psalms 147:6

I Somol e ma ayweg e pi’in gafgow, machane ma pirdi’iy e pi’in kireb nga but’.

Psalms 149:4

I SOMOL e ba felfelan’ ngak e girdi’ rok; ma tolangnag e pi’in nib sobutan’rad nma gel nagrad.

Numbers 12:4

Ma yugu ra gin gad nike ga’ar SOMOL ngak Moses nge Aron nge Miriam, “Mired ko fare Tent ni Thothup.” Miyad yan,

Matthew 11:29

Mfeked e mat’ rog ngam ted nga pomed, mi gimed folwok rog, ya gub munguy ma gub sobut’an’; mi gimed pir’eg e toffan.

Matthew 21:5

“Mogned ko binaw nu Zion ni nge lungumed: Chiney e be yib e pilung rom, ir be’ nib munguy nike af nga daken ba dongki, ke af nga daken ba fak e dongki.”

Matthew 5:5

“Nge felan’ e pi’in nib sobut’an’rad, ya rayag ngorad e tin nike micheg Got nra pi’!

2 Korinth 10:1

I gag Paul e gu be wenig ngomed — i gag fa’anem ni kanog nib sobut’an’ug ma gub gol ko ngiyal’ ni gu bay romed, machane dagur tamdag ni nggu non ngomed nib gel ko ngiyal’ ni gub mal’af romed. Gu be wenig ngomed ni bod feni munguy nge feni gol Kristus ni be lungug:

2 Korinth 11:5

Dagur finey ni gub tanggin bochu’uw ngak “fapi apostel” romed ni be’er nib sororad!

2 Korinth 12:11

Gu be non ni bod be’ nib balyang — machane gimed e kam pingeged gag kug rin’. Gimed e pi’in nsusun e nga mogned fel’ngig. Ya yugu ra dariy rogog, machane ri da gu tanggin ngak e pi girdi’ ni be’er ni kam ted yad ni “apostel” romed.

1 Thessalonika 2:7

ni yugu aram rogon ni bay mat’awmad ni nggogned ngomed e tin ngam rin’ed ngomad ni bochan e gamad e apostel rok Kristus. Machane u gu pired romed ni gamad bmunguy ni bod ba matin ngak pifak ni be ayuwegrad.

James 3:13

Ba’ be’ nib llowan’ ma ba gonop u fithik’med fa? Fa’anra bay ma nge micheg nga pangin ni bfel’ nge ngongol rok ni bfel’ ni be ngongliy u fithik’ e sobut’an’ nge gonop.

1 Peter 3:4

Ya lanin’med e nge par nib pidorang, ni aram e pidorang ni dabi m’ay ni aram e leam nib sumunguy ma ba gapas, ni ir e ba ga’ fan u mit Got.