Numbers 11:1 - Bible Ni Thothup

¹ Me tabab piyu Israel i gun’gun’ ngak SOMOL ni bochan e gafgow ni yad be tay. Fa’ani rung’ag SOMOL me damumuw, me pag e nifiy nga fithik’ rad nge urfiy e gin ni be par yu Israel riy ni kirebnag taban u baley.

Numbers 11:1 交叉參考

Genesis 38:10

Ran’em ni rin’ e de mat’aw u p’eowchen SOMOL, ma aram miki thang SOMOL e fan rok.

2 Samuel 11:27

Ma fa’ani lebug nap’an e mowaw ko yam’, me mal’og David nga ni yan ni fek fare pin i yib nga tafen e pilung; nge mang le’engin me diyen nge gargelnag bochi pagel ni fak. Machane de fel’ u wan’ SOMOL e n’en nike rin’ David.

2 Kings 1:12

Me fulweg Elijah, ni ga’ar, “Fa’anra gag e girdi’ rok Got, ma nge yib e nifiy u lang nga but’ nge thang e fan rom nge pi salthaw rom!” Ma ka ngiyal’nem me yib e nifiy rok Got nga but’ nge thang e fan rok fare tolang nge pi salthaw rok.

BABYOR NI JOB 1:16

Dawori mu’ ko welthin, me taw yug reb e tapigpig rok me ga’ar ngak, “Ke aw e dirra’ ngak fapi saf nge pi’in yad be gafaliyrad karm’ad ni yad gubin. Kemus ni gag e kug thay ku gub ni nggu weliy ngom.”

Psalms 106:18

me yib e nifiy nga but’ nga daken pi chongin nge urufiy e pi girdi’ ni kireb nem.

Psalms 78:21

Ma aram e nap’an ni rung’ag SOMOL e n’en ni yad be yog mri damumuw; me cham ko girdi’ rok ko nifiy, mri gel e damumuw rok ngorad,

Psalms 78:63

Pi’in pagel e nli’rad u fithik’ e mael, me par e pi’in rugod ni dakriy be’ ni ngar figirngiyed.

Exodus 16:7

Kadbul e bay mu guyed ramaen e muluplup’ rok SOMOL. Ya ke rung’ag e thin ni gimed be yog nib togopluw ngak. Gamow mini’ ni ngam nonod nib togopluw ngomow?”

Exodus 16:9

Me ga’ar Moses ngak Aron, “Mog ngak e girdi’ nu Israel ni gubin ni nge lungum, ‘Mired mu sak’iygad nga p’eowchen SOMOL, ya ke rung’ag ni gimed be gun’gun’.’”

Isaiah 10:17

Got, ni fare tamilang rok yu Israel, e bayi ngal’ ni nifiy. Got nthothup nu Israel e bayi ngal’ ni daramram, nu lan ta’reb e rran me urfiy urngin ban’en, ni mus ko rachngal nge pan ni makankan.

Isaiah 30:33

Kakrom e ni fal’eg rogon bangi tagil e nifiy ni ngan urfiy e emperor nu Assyria riy. Gin’em e ba to’ar ma ba ga’ radan, ma ka ni ubung e l’ud riy ngalang. Ma SOMOL e bayi pogofannag ba yil’ i daramram nge aw e nifiy ngay.

Isaiah 33:14

Girdi’ nu Zion ni yad ba sug ko denen e yad be t’on ko marus. Be lungurad, “Gechig rok Got e bod ba nifiy ni be yik ndariy n’umngin nap’an. Gur rayag rok bagadad ni nge dabi yim’ u ba nifiy ni aram rogon?”

Lamentations 3:39

Mangfan nap’an ni yira gechig nagdad ni bochan e denen rodad ma gadad gun’gun’?

Ezekiel 20:36

Ere chiney e bay ggechig nagmed ni bod rogon ni ggechignag e pi chitamangimed u lan e ted ni Sinai.” I SOMOL ni Th’abi Tolang e be non.

Levitikus 10:2

Me yib e nifiy nib tomgin ko gin bay SOMOL riy nge urfiy row ngar m’ow u rom u p’eowchen SOMOL.

Nahum 1:5

Pi burey e durru’ u p’eowchen SOMOL; me ranran e yochi burey u p’eowchen. Fayleng e rur u nap’an ni m’ug SOMOL; fayleng nge girdi’ riy e ra t’on gad.

Habakkuk 3:5

Ke l’oeg e liliy ke yib ni be m’on rok; ma ke non ngak e yam’ ni nge lek.

Numbers 10:33

Fa’ani chuw piyu Israel u Sinai, ni fare burey nib thothup, miyad milekag ni dalip e rran, min m’oneg rorad fare Kahol ko M’ag rok SOMOL ni nge turguy e gin ni ngar n’ufed e Tent rorad riy.

Numbers 11:18

Nge lungum ngak e girdi’, “Ngam machalbog niged gimed ni fan ko gabul, ya bayi yag e ufin ngomed ni ngam ked. Ya SOMOL e ke rung’ag lammed ni gimed be yoer nibe lungmed manga yigi yag e ufin ngomed ma kabfel’ rogmed ni um pired u Egypt. Ere SOMOL e bayi pi’ e ufin ngomed ngam ked.

Numbers 12:2

Lungurow, “Gur kemus nu l’ugun Moses e ke non SOMOL riy? Gathi ku er rogodow nike yib i non u l’ugundow?” Me rung’ag SOMOL e n’en ni karognew.

Numbers 14:2

Ma yad be non nib togopluw ngak Moses nge Aron ni be lungurad, “Fa’an mang e da m’ad u Egypt ara u roy u daken e ted ma kabfel’!

Numbers 14:22

e aram feni riyul’ ndariy bagayad e pi girdi’ ney nra par nib fos nge yan ngalan e re nam nem. Kar guyed rama’eg nib mluplup’ ni be gal ni aram gag ni gu bay, nge pi maang’ang ni kug ngongliy u Egypt ngu daken e ted, machane yugu yad be togopluw ngog ma daburad ni ngar folgad rog.

Numbers 14:27

“Pi girdi’ ney nib kireb e uw n’umngin nap’an ni ngar pired ni yad be non nib togopluw ngog? Kug rung’ag e gun’gun’ ni be tay piyu Israel nib togopluw ngog.

Numbers 14:28

Nge lungum ngorad, “Ba’aray e thin nike yog SOMOL: ‘Rogon feni riyul’ ni gu be par ni gub fos e bay gu gagiyegnag ngam machda’ niged e n’en ni ku gu rung’ag ni ka mu weliyed.

Numbers 16:11

Ere nap’an ni gimed ra gun’gun’nag Aron, ma rriyul’ ni SOMOL e gimed be togopluw ngak, gur nge pi’in yad be un ngom ko togopluw.”

Numbers 16:35

Me pi’ SOMOL ba nifiy ni be dramram nge urfiy fa 250 i pumo’on ni kar pi’ed e incense.

Numbers 17:5

Ma re mo’on ni kug turguy e ra for mal’gun e ley rok e sog. Aray rogon ni nggu taleg e pi girdi’ ney nu Israel ni kar pired ni yad be gun’gun’ nigem.”

Numbers 21:5

miyad non nib togopluw ngak Got nge Moses ni lungurad, “Mangfan ni mfekmad u Egypt ni nggu m’ad u roy u daken e re gi ted ney ndariy e ggan nge ran riy? Ya kar gu dabuyed e tiney e ggan ni gamad be kay!”

1 Korinth 10:10

Ma thingar dab um gun’gun’gad ni bod e n’en ni i rin’ boch i yad — me li’rad fare engel, ni engel ko yam’ ngarm’ad.

Deuteronomy 25:18

Dariy madgun Got u wun’rad, aram fan ni yad ra cham ngomed u wuryal ko fa ngiyal’ ni kam magaergad nike aw parowmed, mar thanged e pogofan rok e pi’ romed nike aw nga wuryal.

Deuteronomy 32:22

Damumuw rog e bayi daramram ngalang ni bod e nifiy nge urfiy urngin ban’en u fayleng. Ra yan i taw ko bin nu ar e fayleng me ful’ enggin e pi burey.

Deuteronomy 9:22

“Ma ku mu k’aringed e damumuw ngak SOMOL ni Got romed ko fa ngiyal’nem ni ummed u Taberah, ngu Massah, ngu Kibroth Hattaavah.

Hebrews 12:29

ya Got rodad e riyul’ nib nifiy nma urfiy ban’en.

James 5:4

Ma dawor mpi’ed puluwon e pi’in yad be maruwel u milay’ romed. Ere mu telmed ko tin yad be yog nib togopluw ngomed! Ma laman e mayor ko pi’in yad be kunuy womngin e woldug romed e ke taw nga yil Got, ni ir Somol ni Gubin ma Rayag Rok!

Jude 1:16

Pi girdi’ nem e gubin ngiyal’ ni yad ma gun’gun’ ma yad be yin’ e kireb nga daken boch e girdi’; ma tin nib kireb ni be ar’arnag dowrad e yad ma fol riy; ma yad ma weliy murung’agrad ni yad e sororad; ma yad be pi’ boch e girdi’ ngalang ko thin ni fan e nge yag ngorad e tin yad be finey.