Numbers 1:1 - Bible Ni Thothup

¹ Bin m’on e rran ko pul nl’agruw ko re duw ni l’agruw nga tomuren nike chuw e girdi’ nu Israel u Egypt, me non SOMOL ngak Moses u rom u lan fare Tent u p’eowchen u lan fa gi ted ni desert u Sinai. Ni ga’ar,

Numbers 1:1 交叉參考

1 Kings 6:1

U lan e bin l’agruw e pul ni fare pul ni Ziv, ko duw ni gaman e aningeg e duw nap’an nike pilung Solomon u Israel, ma ke gaman 480 e duw nap’an nike chuw yu Israel u Egypt, me tabab Solomon i muruwliy fare Tempel.

Exodus 19:1

Yay ni dalip ni m’ug e pul nga tomuren nike chuw piyu Israel u Egypt, miyad yib nga daken e ted ni desert u Sinai.

Exodus 19:2

Ra chuwgad u Refidim ngarbad ngalan e ted ni desert u Sinai, marbad ra pired nga enggin fare Burey nu Sinai.

Exodus 25:22

Bay gu mada’ nagmed u rom u daken upongen fare kahol, mu rom u thilin fa gali kerubim e bay gu pi’ riy ngomed urngin e motochiyel rog ni fan ngak e girdi’ nu Israel.

Exodus 40:17

Bin m’on e rran ko pul ni ta’reb u lan e bin l’agruw e duw ni kar chuwgad u lan yu Egypt, mi ni suweg fare Tent rok SOMOL ngalang.

Exodus 40:2

“Bin m’on e rran ko bin som’on e pul e ngam suweg ngalang fare Tent u P’eowchen SOMOL.

Levitikus 1:1

U lan fare Tent u p’eowchen SOMOL e pining SOMOL Moses riy nge pi’ ngak e pi gafal ni ba’aray

Levitikus 27:34

Irera’ e tin ni yog SOMOL ngak Moses u daken e Burey ni Sinai ni fan ngak e girdi’ nu Israel.

Numbers 1:18

ngar pininged gubin e girdi’ nga ta’bang ko rofen nsom’on ko pul ni l’agruw ngar ngongliyed babyoren urngin kaen e girdi’ nge urngin e tabnaw. Urngin fithingan e pumo’on ni rliw’ e duw rorad ngalang e ni the’egrad ngan yoloy nga but’,

Numbers 12:4

Ma yugu ra gin gad nike ga’ar SOMOL ngak Moses nge Aron nge Miriam, “Mired ko fare Tent ni Thothup.” Miyad yan,

Numbers 9:1

I SOMOL e non ngak Moses u lan e ted u Sinai ko bin m’on e pul ko duw nl’agruw nga tomuren nike chuw piyu Israel u Egypt. Ni ga’ar,

Deuteronomy 1:3

Rofen ni som’on ko pul ni ragag nge ta’reb ko duw ni gaman aningeg i ragag nga tomuren ni kar chuwgad u Egypt, me weliy Moses ngak piyu Israel urngin ban’en nike yog SOMOL ngak ni nge weliy ngorad.

Deuteronomy 2:14

Ngiyal’ i n’ey e ke yan guyey nge meruk e duw ni kad chuwgad u Kadesh Barnea. Ma aram e urngin e pumo’on ni ur uned ko mael ko re mfen nem e go’ karm’ad, ni bod ni yog SOMOL.

Deuteronomy 2:7

“Ngu’um leam niged rogon nike tow’ath nagmed SOMOL ni Got romed u gubin ban’en ni kam ngongliyed. Ke ayuwegmed u n’umngin nap’an ni kam derawgad u lan e regi ted ney ni desert. De pagmed u lan e re aningeg i ragag i duw ney, go’ i yag ngomed e tin nib t’uf romed.