Nehemiah 2:4 - Bible Ni Thothup

⁴ Me fith fa en ni pilung ngog ni ga’ar, “Mang e gab adag ni nggu ayuwegnem riy?” Mu gu meybil ngak fare Got nu tharmiy,

Nehemiah 2:4 交叉參考

2 Samuel 15:31

Nap’an nnog ngak David nike un Ahithofel ko ba’ rok Absalom e girdi’ ni ngar togopluwgad ngak, me ga’ar David, “SOMOL, wenig ngom, mu pingeg e fonow rok Ahithofel nge par ni thin ko balyang!”

1 Kings 3:5

U rom u Gibeon e yib i m’ug SOMOL ngak Solomon u malik’ay nnep’; me ga’ar ngak, “Mang e ga ba’adag ni nggu pi’ ngom?”

Nehemiah 1:11

Mu telim ko meybil rog nge meybil rok urngin e tin ni kabay e tapigpig rom ni yad ba’adag ni ngu’ur ted fam. Mu man’og nigeg e daba’, ma ga gagiyegnag e en ni pilung nge runguyeg.” Ngiyal’nem e gag e ba milfan e wayin ko en pilung ngog.

Nehemiah 1:4

Fa’an gu rung’ag e pi thin ney mug par nga but’ ngu yor, ere ug yor ni in e rran; ma aram mugu pag e abich mugu meybil u p’eowchen Got nu tharmiy.

Nehemiah 1:5

Ni lungug, “SOMOL ni Got nu tharmiy, gur Got e th’abi ga’ gelngim ma gab Got ni yima rus ngom, me gur e ga ma tay e m’ag u gil’ ni mu ngongliy u thilmed e pi’in yad ba t’uf rom, ni pi’in ni ga bt’uf rorad ma yad ma fol ko tin kamu tay chiylen.

Nehemiah 2:20

Mu gu fulweg ni lungug, “I Got nu tharmiy e bayi ayuwegmad nge fel’ e pin’en ni gamad be muruwliy, ya gamad e tapigpig rok, ere nggu tababgad ko maruwel. Ma gimed e dariy e f’oth romed ara mat’awmed ara rogomed nga Jerusalem.”

Nehemiah 2:5

me lungug ngak fare pilung, “Fa’anra gub fel’ u wun’um i gur pilung ma mm’agan’um ko n’en ni nggu wenignag ngom, me ere mpithig ethin ngog nggu wan nga Judah, ko fare binaw ni kan k’eyag pi ga’ rog riy kakrom, nge yag ni gu ngongliy bayay fare binaw.”

Ester 5:3

Me fith fare pilung Ester ni ga’ar, “Ester ni Queen, mang e kamubnag? Mog ngog e n’en ni ga ba’adag mu gu pi’ ngom, ni mus nga balay gil’ilungug ma gu ra pi’ ngom.”

Ester 5:6

Ma nap’an ni yad be unum e wayin me fith fare pilung Ester ni ga’ar, “Mog ngog ko mang e ga ba’adag, mu gu pi’ ngom. Maray rom e gu ra tay nga tagil’, ni mus ni fa’an ga ra ning baley u gil’ilungug.”

Ester 7:2

ko yay ni l’agruw ngay. Ma nap’an ni yad be unum e wayin me fith fare pilung Ester bayay ni ga’ar, “Aram e chiney, i gur Queen Ester, mang e ga ba’ adag? Mog ngog mu gu pi’ ngom. Ni mus nga baley u gil’ilungug mu gu ra pi’ ngom.”

Psalms 136:26

Mu pinged e magaer ngak Got nu tharmiy; t’ufeg rok e ba manemus.

Proverbs 3:6

Ngu’um leamnag SOMOL u fithik’ urngin ban’en ni ga be rin’, me dag ngom e bin mat’aw e kanawo’.

Mark 10:51

Me ga’ar Jesus ngak, “Mang e ga ba’adag ni nggu rin’ ngom?” Me ga’ar fare malmit ngak Jesus, “Tamchib, gu ba’adag ni nge yag ni gguy ban’en bayay.”

Acts 23:19

Me kol fare pilungen e salthaw pa’ nge fek i yan nga orel me fith ngak ni ga’ar, “Be mang e ngamog ngog?”

Filippi 4:6

Ma dariy ban’en ni nge magafan’med ngay, machane fa’an gimed ra meybil ngak Got mi gimed ning ngak e tin nge yag ngomed, ma gubin ngiyal’ ni ngu’um ninged ngak ni gimed be pining e magaer ngak u lanin’med.