Matthew 8:19 - Bible Ni Thothup

¹⁹ Me yib be’ ni tamchib ko Motochiyel ngak, me ga’ar, “Tamchib, kug fal’eg rogog ni nggu un ngom ko yungi n’en ni ngam man ngay.”

Matthew 8:19 交叉參考

Ezra 7:6

Ezra e chuw u Babylonia. Cha’ ney e be’ nib tamilangan’ ko fare Motochiyel ni SOMOL ni fare Got rok yu Israel e pi’ ngak Moses. Gubin ban’en ni i ning Ezra ngak fare pilung mi i pi’ ngak, ni bochan e fel’eg wa’ath rok SOMOL ni Got rok ngak.

Luke 14:33

Me ga’ar, “Ere ku aray rogon ndariy bigimed nra mang gachalpeg ni fa’anra dabi pag urngin e tin ni bay rok ban’en.”

1 Korinth 1:20

Ere uw rogon e pi’in yad ba gonop? Ara pi’in nib tolang e sukul rorad? Ara pi’in yad ba salap i lu’ag murung’agen ban’en u roy u fayleng? I Got e ke dag ni gonop nu roy u fayleng e balyang!

1 Korinth 16:6

Sana ra gu par romed nib n’uw nap’an boch, ni sana n’umngin i nap’an nib garbeb e yafang, ma aram e rayag ni ngam ayuweged gag nggu ul ul ko milekag rog, ni gin’en ni ir e nggu sor ngay.