Matthew 4:21 - Bible Ni Thothup

²¹ Me yan miki guy l’agruw i walag ni pumo’on ni aram James nge John, ni Zebede e chitamangirow, ni yow bay u bowoch ni yad e chitamangirow i Zebede, ni yow be fal’eg rogon e nug rorad ni ngan fita’ ngay. Me piningrow Jesus;

Matthew 4:21 交叉參考

Matthew 10:2

Ba’aray fithingan fa ragag nge l’agruw i apostel: bin som’on e Simon (ni yima pining Peter ngak) nge walagen ni Andrew; nge James nge walagen ni John, ni yow fak Zebede;

Matthew 17:1

Ma nel’ e rran nga tomuren me fek Jesus Peter, nge fa gali walag ni James nge John ngranod nga daken bburey nib tolang ni go’ yad.

Matthew 26:37

Me fek Peter nge fa gali cha’ ni fak Zebede ngar uned ngak. Me yib e taganan’ ngak Jesus nrib gel me thamiy ni gowa kan chuchuy nga but’,

Matthew 4:20

Kachingiyal’ nem miyow digey e nug rorow ngar unew ngak.

Matthew 4:22

ma kachingiyal’ nem miyow digey fare bowoch nge chitamangirow ngar unew ngak Jesus.

Mark 3:17

nge James nge John, ni yow l’agruw ma fak Zebede yow (me tunguy Jesus Boanerges ngorow, ni fan e re bugithin ney e “Yow bod e Dirra’ ”);

Mark 5:37

Ma de pag Jesus be’ ni nge un ngak, kemus ni yigo’o Peter, nge James, nge walagen James ni John.

John 21:2

I Simon Peter, nge Thomas (ni yima pining Athlog ngak), nge Nathanael (ni be’ u Kana nib binaw ni bay u lan yu Galile), nge fa gali pumo’on ni fak Zebede, nge ku l’agruw ni’ ni gachalpen Jesus e yad bay u ta’bang.

Acts 12:2

I yog ni ngan thang e fan rok James, ni walagen John nli’ ko saydon.